EPS ஓய்வூதியம்: ரூ.48,000 சம்பளத்தில், 32 ஆண்டுகள் சேவைக்கு மாதம் எவ்வளவு ஓய்வூதியம்?

ரூ.48,000 அடிப்படை சம்பளம்… 32 ஆண்டுகள் சேவை… EPS ஓய்வூதியம் எவ்வளவு கிடைக்கும்?

EPFO இயக்கும் EPS (Employees’ Pension Scheme) என்பது தனியார் மற்றும் அரசுத் துறைகளில் பணியாற்றும் ஊழியர்களுக்கான ஓய்வூதியத் திட்டமாகும். இதில் 58 வயது நிறைவடைந்த பின் ஊழியர்கள் மாத ஓய்வூதியம் பெற முடியும். விருப்பமிருந்தால் 50 வயதிலேயே எர்லி பென்ஷன் தேர்வு செய்யலாம்.

EPS ஓய்வூதியம் கணக்கீடு எப்படி?

EPS ஓய்வூதியத் தொகையை கணக்கிடும் சூத்திரம்:
(ஓய்வூதிய சம்பளம் x சேவை ஆண்டுகள்) / 70

இங்கு ஓய்வூதிய சம்பளம் என்பது கடந்த 12 மாதங்களுக்கான சராசரி அடிப்படை சம்பளமாகும். தற்போதைய கணக்கீட்டு உச்சவரம்பு ரூ.15,000 ஆகவே நிர்ணயிக்கப்பட்டுள்ளது.

அதாவது, ஒரு ஊழியரின் அடிப்படை சம்பளம் ரூ.48,000 இருந்தாலும் EPS கணக்கீட்டிற்கு அதிகபட்சமாக ரூ.15,000 மட்டுமே எடுத்துக் கொள்ளப்படும்.

EPS ஓய்வூதிய உதாரணங்கள்:

 15 வருட சேவைக்கான EPS ஓய்வூதியம்:

(15,000 x 15) / 70 = ரூ.3,214
மாத ஓய்வூதியம்: சுமார் ரூ.3,214

 28 வருட சேவைக்கான EPS ஓய்வூதியம்:

(15,000 x 28) / 70 = ரூ.6,000
மாத ஓய்வூதியம்: சுமார் ரூ.6,000

 32 வருட சேவைக்கான EPS ஓய்வூதியம்:

(15,000 x 32) / 70 = ரூ.6,857
மாத ஓய்வூதியம்: சுமார் ரூ.6,857