வணிகம்
தமிழ்நாடு அரசு ஓய்வூதியதாரர்களுக்கு முக்கிய அறிவிப்பு: வருமான வரி 2023-24 தொடர்பான தகவல்!
தமிழக அரசு கருவூலம் சார்ந்த ஓய்வூதியதாரர்களுக்கு முக்கிய அறிவிப்பை வெளியிட்டுள்ளது. 60 முதல் 80 வயதிற்குள் உள்ள ஓய்வூதியதாரர்களுக்கு வருமான வரி தொடர்பான விழிப்புணர்வை ஏற்படுத்தும் விதமாக இந்த அறிவிப்பு வெளியிடப்பட்டுள்ளது.
2023-24ஆம் ஆண்டுக்கான வருமான வரி (AY 2024-25) தொடர்பாக சில கருவூலங்களில் முன்கூட்டிய வரி (Advance Tax) பிடித்தம் செய்யப்படுவதாக தகவல்கள் வெளியாகியுள்ளது. இதனால், ஓய்வூதியதாரர்கள் தங்களின் வருமானத்தை முறையாக மதிப்பீடு செய்து, அதற்கேற்ப நடவடிக்கை எடுக்க வேண்டும்.
பழைய மற்றும் புதிய வருமான வரி திட்டங்கள்:
- பழைய வருமான வரி திட்டம்:
- 60 வயதிற்குள்: ₹2.5 லட்சம் வரையில் வரி இல்லை, ₹5 லட்சம் வரை 5%, ₹10 லட்சம் வரை 20%, ₹10 லட்சத்துக்கு மேல் 30%.
- 60-80 வயது: ₹3 லட்சம் வரையில் வரி இல்லை, ₹5 லட்சம் வரை 5%, ₹10 லட்சம் வரை 20%, ₹10 லட்சத்துக்கு மேல் 30%.
- 80 வயதுக்கு மேல்: ₹5 லட்சம் வரையில் வரி இல்லை, ₹10 லட்சம் வரை 20%, ₹10 லட்சத்துக்கு மேல் 30%.
- புதிய வருமான வரி திட்டம்:
- ரூ.7 லட்சம் வரையிலான வருமானம் வரி விலக்கு.
- பழைய திட்டத்தில் உள்ள சலுகைகள் புதிய திட்டத்தில் கிடையாது.
TDS தொடர்பான விபரம்:
- மாத ஓய்வூதியம் ₹46,475 க்கு குறைவாக இருந்தால், டிடிஎஸ் (TDS) பிடித்தம் செய்யப்படாது.
- தவறுதலாக பிடித்தம் செய்தால், கருவூல அலுவலரிடம் புகார் அளிக்கலாம்.
புதிய திட்டத்துக்கு மாறுதல்:
பழைய திட்டத்தில் உள்ளவர்கள், புதிய திட்டத்துக்கு மாற விரும்பினால், அதற்கான கடிதத்தை கருவூல அலுவலரிடம் வழங்கவேண்டும். வயது வரம்பு ஏதுமின்றி புதிய திட்டத்திற்கு மாறலாம்.
குடும்ப ஓய்வூதியம் பெறுபவர்களுக்கு இரு திட்டங்களின் கீழும் வரி இல்லை என்பது குறிப்பிடத்தக்கது.
