8வது ஊதியக்குழு அமலுக்கு இன்னும் 18 மாதங்கள்! அதுவரை அகவிலைப்படி (DA) உயருமா? புதிய தகவல்கள் வெளியீடு!

8வது ஊதியக்குழு (8th Pay Commission) அமலுக்கு வர இன்னும் குறைந்தபட்சம் 18 மாதங்கள் ஆகும் என்று நிபுணர்கள் கூறுகின்றனர். இதற்கிடையில், அரசு ஊழியர்களும் ஓய்வூதியதாரர்களும் அதிகம் கேட்கும் கேள்வி – “அந்த வரை அகவிலைப்படி (DA) அதிகரிக்குமா? மாற்றமின்றி தொடருமா?”

தற்போது, அரசு ஊழியர்களின் சம்பளத்தில் அகவிலைப்படி மிக முக்கியமான பங்காக உள்ளது. பணவீக்க உயர்வை சமாளிக்க ஆண்டுக்கு இரண்டு முறை DA உயர்வு வழங்கப்படுகிறது. 7வது ஊதியக்குழு விதிமுறைகளின்படி DA வருடம் இருமுறை (ஜனவரி, ஜூலை) திருத்தப்படுகிறது.

🔹 சமீபத்திய DA உயர்வு

அக்டோபர் 2025-ல் அரசு DA-வை 3% அதிகரித்தது, இதனால் மொத்த அகவிலைப்படி 58% ஆகியது. இந்த உயர்வு ஜூலை 2025 முதல் அமலாகியது.

🔹 8வது ஊதியக்குழு எப்போது அமலுக்கு வரும்?

7வது ஊதியக்குழுவின் காலம் டிசம்பர் 2025-ல் முடிவடைகிறது.
8வது ஊதியக்குழுவின் பரிந்துரைகள் ஜனவரி 2026 முதல் அமலாக வேண்டியது.

ஆனால் செயல்பாடுகளில் தாமதம் ஏற்பட்டுள்ளதால், புதிய ஊதிய அமைப்பு 2027 நடுப்பகுதியில் (ஜூலை 2027 அளவில்) முழுமையாக அமல்படுத்தப்படும் என மதிப்பிடப்படுகிறது.

🔹 அதுவரை DA என்ன ஆகும்?

நிபுணர்கள் கூறுவது:
“8வது Pay Commission அமலுக்கு வரும் வரை DA தனி கூறாகவே இருக்கும்; வருடம் 2 முறை அதிகரிப்பு தொடரும்.”

அதாவது, ஜனவரி மற்றும் ஜூலை மாதங்களில் DA உயர்வு வழக்கம்போல் கிடைக்கும்.

🔹 அடுத்த 18 மாதங்களில் DA எவ்வளவு ஆகலாம்?

பொதுவாக ஒவ்வொரு DA உயர்வும் சுமார் 3% ஆக இருக்கும். இதன் அடிப்படையில்:

• தற்போதைய DA – 58%

• 6 மாதங்கள் கழித்து – 61%

• 12 மாதங்கள் கழித்து – 64%

• 18 மாதங்கள் கழித்து – 67%

ஆக, 8வது Pay Commission அமலுக்கு வரும் நேரத்தில் DA 67%-ஐ எட்டும் வாய்ப்பு உள்ளது.

🔹 8வது Pay Commission வந்தபின் DA எப்படி கணக்கிடப்படும்?

DA 67% ஆகியிருந்தால் இரண்டு வாய்ப்புகள்:

விருப்பம் 1:

• முழு 67% DA அடிப்படை ஊதியத்தில் சேர்ந்துவிடும்

• புதிய DA கணக்கீடு 0% இலிருந்து மீண்டும் தொடங்கும்

விருப்பம் 2:

• 50% DA மட்டும் அடிப்படை ஊதியத்துடன் இணைக்கப்படும்

• மீதமுள்ள 17% DA புதிய கணக்கீட்டின் தொடக்க மதிப்பாக இருக்கும்