2024 ஆம் ஆண்டின் கடைசி சந்திர கிரகணம் இன்று: எப்போது தொடங்குகிறது, எங்கு பார்க்கலாம்?

2024ஆம் ஆண்டின் இரண்டாவது மற்றும் கடைசி சந்திர கிரகணம் இன்று, செப்டம்பர் 18 ஆம் தேதி அதிகாலை நிகழ உள்ளது. இந்த சந்திர கிரகணம், இந்திய நேரப்படி காலை 6:11 மணிக்கு தொடங்கி 5 மணி நேரம் 4 நிமிடங்கள் நீடிக்கும். கிரகணம் காலை 10:17 மணிக்கு முடிவடையும்.

சந்திர கிரகணத்தின் அறிவியல் விளக்கம்:

சூரியனுக்கும் சந்திரனுக்கும் இடையில் பூமி வரும்போது, அதன் நிழல் சந்திரனின் மீது விழுவதாக அறிவியல் கூறுகிறது. இதனால் சூரிய ஒளி சந்திரனின் ஒரு பகுதியில் விழாமல், அந்த பகுதி இருண்டு காணப்படும். இதுவே சந்திர கிரகணம் ஆகும்.

எங்கு காணலாம்?

இந்த சந்திர கிரகணம், இந்தியாவில் காணமுடியாது. ஆனால் அமெரிக்கா (வடக்கு, தெற்கு), ஐரோப்பா, ஆப்பிரிக்கா மற்றும் மேற்கு ஆசியாவில் பார்க்கப்படும். மேலும், ‘சூப்பர் மூன்’ நிலை காரணமாக, இந்த சந்திர கிரகணம் மற்ற கிரகணங்களில் இருந்து மாறுபட்டதாக இருக்கும்.

2024இல் நடக்கும் கிரகணங்கள்:

இந்த ஆண்டில், இரண்டு முக்கிய கிரகணங்கள் இருக்கின்றன. முதலில், செப்டம்பர் 18 ஆம் தேதி சந்திர கிரகணம், பின் அக்டோபர் 2 ஆம் தேதி சூரிய கிரகணம்.

இந்த சந்திர கிரகணம், உலகின் பல்வேறு இடங்களில் இருந்து காணப்படுவதால், வானியலாளர்கள் மற்றும் ஆர்வலர்களிடையே மிகுந்த எதிர்பார்ப்பை ஏற்படுத்தியுள்ளது.