44 ரூபாய் இருந்தால் சாம்சங் 5ஜி ஸ்மார்ட்போன் கிடைக்கும்.. எப்படி தெரியுமா?

இந்தியாவில் 5ஜி சேவை சமீபத்தில் தொடங்கப்பட்ட நிலையில் பொதுமக்கள் தற்போது 5ஜி சேவைக்கு படிப்படியாக மாறி வருகின்றனர். இப்போதைக்கு 5ஜி சேவைக்கு என தனியாக கூடுதல் கட்டணம் இல்லை என்பது பல வாடிக்கையாளர்களை 5ஜி சேவைக்கு மாற வைத்துள்ளது என்பது குறிப்பிடத்தக்கது.

மேலும் ஜியோ நிறுவனம் படிப்படியாக 5ஜி சேவைக்கான நகரங்களை அதிகரித்துக் கொண்டு வருகிறது என்பதும் இன்று கூட தமிழ்நாட்டில் உள்ள தூத்துக்குடி, ஈரோடு உள்பட இந்தியாவில் உள்ள 50 நகரங்களுக்கு 5ஜி சேவையை தொடங்கி உள்ளது என்பது குறிப்பிடத்தக்கது.

இந்தியாவின் 5ஜி சேவையை தொலைத்தொடர்பு நிறுவனங்கள் வழங்க தயாராக இருந்தாலும் பலரிடம் இன்னும் 5ஜி சப்போர்ட் செய்யும் ஸ்மார்ட் ஃபோன்கள் இல்லை என்பது குறிப்பிடத்தக்கது. 3ஜி மற்றும் 4ஜி சப்போர்ட் செய்யும் ஸ்மார்ட்போன்களையே மிக அதிக நபர்கள் வைத்திருப்பதால் 5ஜி சேவையை அனுபவிக்க முடியாத நிலை உள்ளது.

இந்த நிலையில் இந்தியாவில் தற்போது 5ஜி ஸ்மார்ட்போன்களின் விற்பனை அதிகரித்து வருவதாக கூறப்படும் நிலையில் சாம்சங் நிறுவனம் ஒரு அதிரடி சலுகை விலையில் ஸ்மார்ட் 5ஜி ஸ்மார்ட்போனை அறிமுகம் செய்ய உள்ளது. இந்நிறுவனம் Galaxy A14 5G மற்றும் Galaxy A23 5G ஆகிய புதிய 5ஜி மாடல் ஸ்மார்ட்போன்களை இந்தியாவில் அறிமுகப்படுத்துகிறது. அதுமட்டுமின்றி இந்த போனை எளிய தவணையில் பெற்றுக்கொள்ளலாம் என அறிவிக்கப்பட்டுள்ளது.

இந்த ஸ்மார்ட்போனின் மொத்த விலை 15,999 முதல் 20,999 வரை உள்ளது என்றும் கூறப்படுகிறது.இந்த போனை தவணை முறையில் வாங்க மாதம் 1320 ரூபாய் அதாவது தினசரி 44 ரூபாய் இருந்தால் போதும். எனினும் அதில் உள்ள நிபந்தனைகள் பொருந்தும். இந்த ஸ்மார்ட் போனில் உள்ள சிறப்பு அம்சங்கள் குறித்து தற்போது பார்ப்போம்.

பெரிய 6.6-இன்ச் திரை மற்றும் தடையற்ற பொழுதுபோக்குக்காக 5000mAh பேட்டரியுடன் வருகின்றன. சாம்சங் நிறுவனம் சமீபத்தில் அறிமுகப்படுத்திய 5ஜி ஸ்மார்ட்ஃபோன்களான கேலக்ஸி ஏ14 5ஜி மற்றும் ஏ23 5ஜி ஆகியவற்றில் உள்ள அனைத்து அம்சங்களும் இதில் இருக்கும்.

Galaxy A14 5G மாடலில் புதிய Galaxy சிக்னேச்சர் வடிவமைப்பு உள்ளது. மேலும் இது இந்தியாவில் A தொடர் போர்ட்ஃபோலியோவில் நிறுவனத்தின் மிகவும் மலிவு விலை 5G ஸ்மார்ட்போன் ஆகும். இது ரூ.14,999 முதல் தொடங்கும். OIS உடன் 50MP கேமராவுடன் வரும் Galaxy A23 5G, பயனுள்ள விலை ரூ.20,999 இல் தொடங்குகிறது.