இந்தியா
உலகக்கோப்பை ஸ்குவாஷ் போட்டி சென்னையில் டிசம்பர் 9ம் தேதி கோலாகலத் தொடக்கம்.
12 நாடுகள் பங்கேற்க உள்ள எஸ்டிஏடி உலகக்கோப்பை ஸ்குவாஷ் போட்டி சென்னையில் வரும் டிசம்பர் 9ம் தேதி நடைபெற உள்ளது. வோர்ல்ட் ஸ்குவாஷ் எஸ்ஆர்எஃப்ஐ தமிழ்நாடு விளையாட்டு மேம்பாட்டு ஆணையம் தமிழ்நாடு ஸ்குவாஷ் சங்கம் ஆகியவை இணைந்து நடத்த உள்ள இந்த விளையாட்டுப் போட்டிகள் சென்னையில் தற்போது இரண்டாவது முறையாக நடைபெற உள்ளது. ஏற்கனவே கடந்த 2023 ம் ஆண்டு நடைபெற்றது.
வரும் டிசம்பர் 8ம் தேதி சென்னை ராயப்பேட்டையில் உள்ள எக்ஸ்பிரஸ் மாலில் தமிழ்நாடு துணை முதல்வர் உதயநிதி ஸ்டாலின் மற்றும் வோர்ல்ட் ஸ்குவாஷ் தலைவர் செனாவுல்ரிட்ஜ் ஆகியோர் தொடங்கி வைக்க உள்ளனர்.
இந்தியா, ஜப்பான், மலேசியா, சீனா, எகிப்து, ஈரான், கொரியா, ஆங்காங், தென்ஆப்பிரிக்கா போலந்து ஸ்விட்சர்லாந்து, பிரேசில், ஆஸ்திரேலியா ஆகிய நாடுகள் பங்கேற்க உள்ளன.
இப்போட்டிக்காக தமிழ்நாடு அரசு ரூ.3.30 கோடி நிதி ஒதுக்கியுள்ளது. நான்கு ஆட்டங்கள் கொண்ட சுற்றில் 5 கேம்கள் கொண்டதாக ஆட்டங்கள் அமையவிருக்கின்றன.
நேற்று இந்த போட்டிக்கான இலச்சினை, இந்திய அணியின் சீருடை அறிமுக விழா விளையாட்டுத்துறை மேம்பாட்டு ஆணையர் அதுல்ய மிஸ்ரா தலைமையில் சென்னையில் நடைபெற்றது. இதில் இந்திய அணியின் ஜோஷ்னா சின்னப்பா, அபய்சிங், வேலவன் மற்றும் செந்தில்குமார் ஆகியோர் பங்கேற்றனர்.
