தங்கம் விலை ரூ.1 லட்சம் செல்லுமா? அல்லது 40% வீழ்ச்சியா? – பொருளாதார நிபுணர்கள் என்ன சொல்கிறார்கள்?

உலகளாவிய நிலைமை மற்றும் புவியியல் அரசியல் மாறுபாடுகள் காரணமாக தங்கத்தின் விலை தொடர்ந்து ஏறி வருகிறது. ரஷ்யா-உக்ரைன் போர், இஸ்ரேல்-பாலஸ்தீன இடையேயான மோதல் போன்ற முக்கிய நிகழ்வுகள் உலகப் பொருளாதாரத்தில் நிச்சயமற்ற தன்மையை உருவாக்கியுள்ளது. இதனால், பாதுகாப்பான முதலீடாக தங்கத்தில் மக்களின் விருப்பம் அதிகரித்துள்ளது.

இதன் விளைவாக கடந்த சில மாதங்களில் தங்கம் விலை வரலாறு காணாத உச்சத்தை எட்டியது. சென்னையில் சமீபத்தில் ஒரு கிராம் தங்கம் ரூ.8,770-க்கும், ஒரு சவரன் ரூ.70,160-க்கும் விற்பனை செய்யப்பட்டது.

புதிய பொருளாதார அனலிசிகள், தங்கத்தின் எதிர்கால வளர்ச்சி குறித்து வித்தியாசமான கணிப்புகளை முன்வைக்கின்றன. சில நிபுணர்கள் இந்த ஆண்டு இறுதிக்குள் ஒரு சவரன் தங்கம் ரூ.1 லட்சத்தை எட்டும் என நம்பிக்கை தெரிவிக்கிறார்கள். அதே நேரத்தில், சிலர் 30-40% வரை விலை குறையும் அபாயம் உள்ளதாக எச்சரிக்கிறார்கள்.

ஸ்ப்ராட் சொத்து மேலாண்மையின் மூத்த மேலாளர் ரியான் மெக்கின்டைர், மத்திய வங்கிகளின் தங்கக் கொள்முதல் மற்றும் உலக அரசியல் குழப்பம் ஆகியவை விலை உயர்ச்சிக்கு முக்கிய காரணம் என விளக்குகிறார்.

காமா ஜூவல்லரியின் நிர்வாக இயக்குனர் கோலின் ஷா, 2025க்குள் தங்க விலை ரூ.1 லட்சத்தை எட்டும் வாய்ப்பு அதிகம் என கூறுகிறார். தங்கம், நிதி மந்தம் மற்றும் பணமதிப்பு வீழ்ச்சிக்கு எதிரான பாதுகாப்பான முதலீடாக மாறி வருகிறது.

மற்றொருபுறம், மார்னிங்ஸ்டார் நிறுவனத்தின் நிபுணர் ஜான் மில்ஸ், தங்கம் ரூ.40,000 வரை வீழ்ச்சி ஏற்படலாம் என கணிக்கிறார். இது தற்போதைய விலையிலிருந்து சுமார் 38-40% வரை சரிவைக் குறிக்கிறது.

மொத்தத்தில், தங்கத்தின் விலை நிலையான உயர்வை நோக்கிச் செல்லுமா அல்லது திடீர் வீழ்ச்சி ஏற்படுமா என்பது, எதிர்கால பொருளாதார சூழ்நிலை மற்றும் மத்திய வங்கிகளின் கொள்கைகளின் அடிப்படையில் தீர்மானிக்கப்படும்