சினிமா செய்திகள்
நெகட்டிவ் விமர்சனங்களை மீறி வசூலில் நம்பர் 1: அண்ணாத்த, சர்கார், பிகில் வசூலை முறியடித்த வலிமை!
அஜித் நடித்த ’வலிமை’ திரைப்படம் பிப்ரவரி 24ஆம் தேதி வெளியானது என்பதும் இந்த படத்தின் ஓப்பனிங் வசூல் மிகப்பெரிய அளவில் இருந்தது என்பதும் கிட்டத்தட்ட 80 கோடி உலகம் முழுவதும் முதல் நாளில் வசூல் செய்ததாகவும் செய்திகள் வெளியாகியுள்ளன.
இந்த நிலையில் ’வலிமை’ திரைப்படத்திற்கு விமர்சகர்கள் மற்றும் சில ஊடகங்கள் நெகட்டிவ் விமர்சனங்களை தந்து கொண்டிருக்கின்றன. அஜித்தின் ஆக்ஷன் காட்சிகள் சிறப்பாக இருந்தாலும் தேவையில்லாத சென்டிமென்ட் காட்சிகள் மற்றும் படத்தின் நீளம் குறித்து கடுமையாக விமர்சனம் செய்யப்பட்டது.
மேலும் லாஜிக் ஓட்டைகள், சொதப்பலான கிளைமாக்ஸ் ஆகியவையும் விமர்சனம் செய்யப்பட்டது. இந்த நிலையில் இன்று முதல் ’வலிமை’ திரைப்படம் 14 நிமிடங்கள் ட்ரிம் செய்யப்பட்டுள்ளது என்பது குறிப்பிடத்தக்கது.
’வலிமை’ திரைப்படத்திற்கு ஏகப்பட்ட நெகட்டிவ் விமர்சனங்கள் வந்தாலும் முதல் நாள் வசூலில் நம்பர் 1 என நிரூபித்துள்ளது. இதுவரை முதல் நாள் வசூலில் முதலிடத்தில் இருந்த அண்ணாத்த, சர்கார், பிகில், ஆகிய படங்களை பின்னுக்கு தள்ளிவிட்டு ’வலிமை’ திரைப்படம் முதல் நாளில் 25 கோடி ரூபாய் வசூல் செய்துள்ளது.
அண்ணாத்த 24 கோடியும், சர்கார் 23 கோடியும் பிகில் 20 கோடியும் முதல் நாளில் வசூல் செய்தது என்பது குறிப்பிடத்தக்கது. வியாழன், வெள்ளி சனி ஞாயிறு ஆகிய நாட்களில் மட்டுமே ’வலிமை’ திரைப்படம் தமிழகத்தில் மட்டும் 100 கோடி வசூலை எட்டும் என்று எதிர்பார்க்கப்படுகிறது.