நாளை ஆரம்பமாகிறது யோகிபாபுவின் காமெடி அட்ராசிட்டி – கெணத்த காணோம்.

தமிழ் சினிமாவின் ‘காமெடி கிங்’ யோகி பாபு, மீண்டும் ஒரு விசித்திரமான கிராமத்து கதையுடன் நம்மை வயிறு வலிக்க சிரிக்க வைக்க வருகிறார். நாளை திரையரங்குகளில் வெளியாகவுள்ள கெணத்த காணோம் திரைப்படத்தில், யோகி பாபு ஒரு கோயில் அர்ச்சகர்  கதாபாத்திரத்தில் நடித்துள்ளார். வறட்சியால் பாதிக்கப்பட்ட ஒரு குக்கிராமத்தில், தண்ணீருக்காகக் கிணறு தோண்டும்போது எதிர்பாராத விதமாக டைனோசர் படிமங்கள் கண்டெடுக்கப்படுவதே இந்தத் திரைப்படத்தின் மையக்கதை.

வழக்கமான கிராமத்து கதைகளில் தண்ணீர் பஞ்சத்தைப் பற்றிப் பேசுவார்கள். ஆனால், இந்தப் படத்தில் அந்தப் பஞ்சத்தை வைத்து ஒரு தரமான ‘சர்க்காசம்’ செய்திருக்கிறார்கள். தண்ணீர் தேடிக் கிணறு தோண்டும்போது, அங்கே பல கோடி ஆண்டுகளுக்கு முந்தைய டைனோசர் எலும்புகள் கிடைத்தால் என்ன நடக்கும்? அந்த கிராமமே ஒரு ‘ஜுராசிக் பார்க்’ போல மாறினால் எப்படி இருக்கும்? அதைச் சுற்றி நடக்கும் அரசியல் மற்றும் கலாட்டாக்களைத் தான் இந்தப் படம் பேசுகிறது.

இதில் யோகி பாபுவின் ‘அர்ச்சகர்’ கதாபாத்திரம்  மந்திரம் சொல்வதிலும் சரி, கிராமத்து மக்களிடம் கவுண்டர் கொடுப்பதிலும் சரி,  தனது டிரேட்மார்க் காமெடியால் அதிர வைத்துள்ளார்.

இந்தப் படத்தில் அவருக்குக் கிடைத்துள்ள ‘டைனோசர்’ கன்டென்ட் வேற லெவல் வைப்.  இது ஒரு சீரியஸான விஷயத்தைச் சிரிப்பு கலந்து சொல்லும் படமாக இருக்கும். கிராமத்து வாழ்வியலையும், நவீன காலத் தொழில்நுட்பம் மற்றும் அதிகார வர்க்கத்தையும் எப்படி நையாண்டி செய்கிறார்கள் என்பதுதான் ஹைலைட்.

குறிப்பாக, அந்த ஊரில் டைனோசர் எலும்பு கிடைத்ததும் வெளிநாட்டு ஆராய்ச்சியாளர்கள் வருவதும், அவர்களை யோகி பாபு கையாளும் விதமும் ஒரு தரமான காமெடி ட்ரீட்.  வறட்சியால் காய்ந்து கிடக்கும் ஒரு கிராமத்தில், ‘தண்ணீர்’ என்கிற பொக்கிஷத்தை விட ‘டைனோசர்’ என்கிற பழங்கால பொக்கிஷம் எப்படி அந்த மக்களின் தலையெழுத்தையே மாற்றுகிறது என்பதைப் பார்க்க நாளை தியேட்டருக்கு மறக்காமல் செல்லுங்கள். ‘கிணத்த காணோம்’ – இதில் கிணறு காணாமல் போனதா? அல்லது அந்த ஊர் மக்களின் கவலை காணாமல் போனதா? என்பதை வெள்ளித்திரையில் காண்போம்!