விருஷ்கா, ஹர்திக் – நதாஷா ஜோடி இணைந்து நியூ இயர் கொண்டாட்டம்!

இந்திய கிரிக்கெட் அணியின் கேப்டன் விராட் கோலி, தற்போது தன் மனைவி அனுஷ்கா ஷர்மாவோடு நேரம் செலவிட்டு வருகிறார். அனுஷ்காவுக்கு இன்னும் ஒரு சில நாட்களில் குழந்தைப் பிறக்க உள்ள காரணத்தால், கிரிக்கெட்டிலிருந்து விடுப்பு எடுத்துக் கொண்டு கோலி குடும்பத்துடன் உள்ளார். இந்த காரணத்துக்காகவே ஆஸ்திரேலிய கிரிக்கெட் அணிக்கு எதிரான தொடரை பாதியிலேயே முடித்துக் கொண்டு இந்தியா திரும்பி விட்டார் கோலி.

ஒருநாள் மற்றும் டி20 தொடர்களை விளையாடி முடித்த அதிரடி ஆட்டக்காரர் ஹர்திக் பாண்டியாவும், தன் மனைவி நதாஷாவுடன் நேரம் செலவிட்டு வருகிறார். தற்போது இந்த இரண்டு ஜோடிகளும் இணைந்து புத்தாண்டை ஒன்றாக வரவேற்றுக் கொண்டாட்டத்தில் ஈடுபட்டுள்ளன.

Friends who test negative together spend positive time together! ☺️ Nothing like a get together at home with friends in a safe environment. May this year bring a lot of hope, joy, happiness and good health. Stay safe! #HappyNewYear2021 pic.twitter.com/EyFcUBLqMi

— Virat Kohli (@imVkohli) January 1, 2021

இது குறித்து விராட் கோலி, ‘எதிர்மறையான நேரத்தில் துணையாக இருந்து நேர்மறையான நேரத்தில் உடனிருப்பவர்கள்தான் நண்பர்கள். பாதுகாப்பான வீட்டுச் சூழலில் நண்பர்களுடன் நேரம் செலவிடுவது போன்ற ஒரு நிம்மதி வேறு எதுவும் இருக்க முடியாது. இந்த ஆண்டு நம்பிக்கை, மகிழ்ச்சி மற்ற நல்ல ஆரோக்கியத்தை அளிக்கட்டும். பாதுகாப்பாக இருங்கள்!’ என்று ட்விட்டரில் புகைப்படங்களுடன் பதிவிட்டுள்ளார்.