ஆன்மீகம்
திருநள்ளாறு சனீஸ்வரர் கோவிலில் சனிப்பெயர்ச்சி எப்போது? அதிகாரப்பூர்வ அறிவிப்பு!
திருநள்ளாறு சனீஸ்வரர் கோவில் – சனிப்பெயர்ச்சி தொடர்பான அதிகாரப்பூர்வ விளக்கம்!
திருநள்ளாறு ஸ்ரீ தர்பாரண்யேஸ்வரர் ஸ்வாமி தேவஸ்தானம் நிர்வாகம், சனிப்பெயர்ச்சி தேதி தொடர்பான தகவலை அதிகாரப்பூர்வமாக வெளியிட்டுள்ளது. பல ஊடகங்களில் 2025 மார்ச் 29 அன்று சனிப்பெயர்ச்சி நிகழும் என தகவல்கள் பரவியுள்ள நிலையில், கோவில் நிர்வாகம் இதுகுறித்து முக்கிய விளக்கம் அளித்துள்ளது.
🔹 திருநள்ளாறு கோவில் நிர்வாகத்தின் அறிவிப்பு:
திருநள்ளாறு கோவில் பாரம்பரியமாக “வாக்கிய பஞ்சாங்கம்” முறையை பின்பற்றுகிறது.
இந்த கணிப்பின்படி, சனிப்பெயர்ச்சி 2026 ஆம் ஆண்டிலேயே நடைபெறும் என்பதால், 2025 மார்ச் 29 அன்று எந்தவித சனி பெயர்ச்சி விழாக்களும் நடத்தப்பட மாட்டாது.
அந்த நாளில் வழக்கமான தினசரி பூஜைகள் மட்டுமே நடைபெறும்.
சனி பெயர்ச்சி விழாவின் சரியான தேதி பின்னர் அதிகாரப்பூர்வமாக அறிவிக்கப்படும்.
பக்தர்கள், ஜோதிடர்கள், அர்ச்சகர் மற்றும் பொதுமக்கள் திருநள்ளாறு கோவிலில் பின்பற்றப்படும் பாரம்பரிய வழிபாட்டு முறையை கருத்தில் கொண்டு செயல்படுமாறு கோவில் நிர்வாகம் கேட்டுக்கொண்டுள்ளது.
இந்த அறிவிப்பு, மாவட்ட ஆட்சியர் மற்றும் அதிகாரிகளின் உத்தரவின் படி வெளியிடப்பட்டுள்ளது. எனவே, பக்தர்கள் புதிய அறிவிப்பு வரும் வரை தவறான தகவல்களை நம்பாமல் இருக்க கோவில் நிர்வாகம் அறிவுறுத்தியுள்ளது.
