தமிழக வெற்றிக்கழக தலைவர் விஜய் பரப்புரையில் கூறிய தவறான தகவல்களுக்கு தமிழக அரசு விளக்கம்!

நடிகர் விஜய் தலைமையிலான தமிழக வெற்றிக்கழக கட்சி, 2026 தேர்தலுக்கான தயாரிப்பை முன்னெடுத்து வருகிறது. தமிழகம் முழுவதும் சுற்றிப்பயணம் செய்து நாகப்பட்டினம் மற்றும் திருவாரூர் மாவட்டங்களில் மக்கள் சந்திப்புகளை மேற்கொண்டார்.

நாகையில் கடந்த பரப்புரையில், தமிழ்நாடு அரசுக்கு எதிரான பல குற்றச்சாட்டுகளை முன்வைத்தார். இதற்கிடையில், தமிழ்நாடு அரசு விஜயின் பரப்புரையில் கூறிய தவறான தகவல்களுக்கு பதில் வழங்கியுள்ளது.

தமிழ்நாடு அரசின் தகவல் சரிபார்ப்பகம் (Fact Check) வெளியிட்டுள்ள விளக்கங்களில் கூறப்படுவதாவது:

தவறான தகவல் 1:
“மண் அரிப்பைத் தடுக்கும் அலையாத்திக் காடுகளை காக்க அரசு எவ்வித நடவடிக்கையும் எடுத்தിട്ടില്ല.”

உண்மை:
தமிழ்நாட்டில் சதுப்புநில காடுகள்/அலையாத்திக் காடுகள் இரு மடங்கு அதிகரித்து வருகின்றன. 2021-ஆம் ஆண்டில் 45 சதுர கிமீ பரப்பளவு இருந்தவை, தற்போது 90 சதுர கிமீ ஆக பெருகியுள்ளன. நாகப்பட்டினம் மாவட்டத்தில் 586 ஹெக்டேர், மயிலாடுதுறை மாவட்டத்தில் 521 ஹெக்டேர் நிலப்பரப்பில் சதுப்புநில காடுகள் அமைந்துள்ளன.

தவறான தகவல் 2:
“நாகப்பட்டினத்தில் கடல்சார் கல்லூரி இல்லை.”

உண்மை:
தமிழ்நாடு டாக்டர் ஜெ. ஜெயலலிதா மீன்வளப் பல்கலைக்கழகம் நாகப்பட்டினத்தில் இயங்கிக் கொண்டிருக்கிறது.

தவறான தகவல் 3:
“மக்களை சந்திப்பதற்கான அனுமதி இல்லை. பிரதமர், உள்துறை அமைச்சர் வரும்போது நிபந்தனைகள் விதிக்கப்படுகின்றன.”

உண்மை:
சென்னையில் 2024 ஏப்ரல் 9-ஆம் தேதி பிரதமரின் பேரணிக்காக காவல்துறை 20 நிபந்தனைகளை விதித்தது. இதேபோல், தவறான தகவல்களை மக்கள் இடையே பரப்பாதீர் என அரசுச் செய்தி கூறியுள்ளது.