தமிழ்நாடு அரசு அறிவிப்பு: தீபாவளி நாளில் 2 மணி நேரம் மட்டுமே பட்டாசு வெடிக்க அனுமதி – சட்டப்பேரவையில் முக்கிய மசோதாக்கள் தாக்கல்!

தமிழ்நாடு அரசின் சமீபத்திய அறிவிப்பின்படி, வரும் தீபாவளி பண்டிகை நாளில் மாநிலம் முழுவதும் பட்டாசுகள் வெடிக்க அனுமதி இரண்டு மணி நேரத்திற்கு மட்டுமே வழங்கப்பட்டுள்ளது.

சுற்றுச்சூழல் மாசு கட்டுப்பாட்டு வாரியத்தின் பரிந்துரையின்படி, மக்கள் நலனைக் கருத்தில் கொண்டு இந்த முடிவு எடுக்கப்பட்டுள்ளது. மாசுபாடு குறைக்கவும், விலங்குகள் மற்றும் முதியவர்களுக்கு பாதிப்பு ஏற்படாதவாறு கட்டுப்பாடுகள் கடுமையாக அமல்படுத்தப்படவுள்ளதாக அதிகாரிகள் தெரிவித்துள்ளனர்.

தீபாவளி நாளில் காலை மற்றும் மாலை தலா ஒரு மணி நேரம் பட்டாசு வெடிக்க அனுமதி வழங்கப்படும் என எதிர்பார்க்கப்படுகிறது. அதிகாரப்பூர்வ நேரங்கள் விரைவில் அறிவிக்கப்படவுள்ளன. விதிமுறைகளை மீறுவோருக்கு அபராத நடவடிக்கை எடுக்கப்படும் என்றும் எச்சரிக்கை விடுக்கப்பட்டுள்ளது.

இதற்கிடையில், சென்னை சட்டப்பேரவையில் இன்று முக்கியமான அமர்வு நடைபெற்று வருகிறது. முதலமைச்சர் மு.க. ஸ்டாலின், 2025-26 ஆம் ஆண்டிற்கான கூடுதல் செலவுக்கான மானிய கோரிக்கை (Supplementary Demand for Grants)-ஐ தாக்கல் செய்துள்ளார்.

இந்த மானிய கோரிக்கையில் பல நலத்திட்டங்கள், உட்கட்டமைப்பு மேம்பாட்டு திட்டங்கள் மற்றும் சமூக நலப்பணிகளுக்கான நிதி ஒதுக்கீடுகள் இடம்பெற்றுள்ளதாக தகவல்கள் வெளியாகியுள்ளன. இதனுடன் சில முக்கிய மசோதாக்களும் இன்று தாக்கல் செய்யப்பட உள்ளதாக சட்டப்பேரவை வளாகத்திலிருந்து தகவல்கள் தெரிவிக்கின்றன.