சினிமா
ஜெயிலர் படத்தில் இணைந்த தமன்னா; அதிகாரப்பூர்வ அறிவிப்பை வெளியிட்ட சன் பிக்சர்ஸ்!
ரஜினிகாந்தின் ஜெயிலர் படத்தில் யார் ஹீரோயின் என ரசிகர்கள் குழம்பிக் கொண்டிருந்த நிலையில், நடிகை தமன்னா தான் ஹீரோயின் என அதிகாரப்பூர்வ அறிவிப்பை சன் பிக்சர்ஸ் வெளியிட்டுள்ளது.
ஜெயிலர் படத்தில் ரஜினிகாந்துக்கு ஜோடியாக தமன்னா தான் நடிக்கப் போகிறார் என ஏற்கனவே தகவல்கள் கசிந்த நிலையில், சன் பிக்சர்ஸ் ரொம்பவே அந்த விஷயத்தை சீக்ரெட்டாக வைத்திருந்தது.
மோகன்லால் நடித்து வரும் தகவல்கள் லீக்கான நிலையில், தொடர்ந்து மோகன்லால், சிவராஜ்குமார், தெலுங்கு நடிகர் சுனில் உள்ளிட்டோர் படத்தில் நடித்து வருவது குறித்த அப்டேட்களை சன் பிக்சர்ஸ் ரஜினிகாந்த் ரசிகர்கள் கேட்காமலே வெளியிட்டு படத்திற்கு ஹைப்பை க்ரியேட் செய்ய ஆரம்பித்து இருக்கிறது.
ஜெயம் ரவி, விஜய், அஜித், சூர்யா, தனுஷ் உள்ளிட்ட முன்னணி நடிகர்கள் உடன் நடித்து வந்த தமன்னா முதன்முறையாக சூப்பர்ஸ்டார் ரஜினிகாந்த் உடன் ஜோடி போட்டு இந்த படத்தில் நடிக்க உள்ளார். ஃபிளாஷ்பேக் போர்ஷனில் தமன்னா வருவாரா? இல்லை வயதான கெட்டப்பில் தோன்றிய ரஜினிக்கே அவர் ஜோடியாவாரா என்பது படத்தின் டீசர் அல்லது டிரைலர் வெளியானால் தெரிந்து விடும்.
தமிழ், தெலுங்கு, கன்னடம், மலையாளம் மற்றும் இந்தி என பான் இந்தியா படமாக இந்த படத்தை இயக்குநர் நெல்சன் மாற்றி வருகிறார் என்றும் பீஸ்ட் படத்தில் எதிர்கொண்ட விமர்சனங்களுக்கு விரைவில் இந்த சம்மரில் தரமான பதிலடி கொடுப்பார் என ரசிகர்கள் எதிர்பார்த்து காத்திருக்கின்றனர்.