Connect with us

சினிமா செய்திகள்

சூப்பரா.. சுமாரா.. சூப்பர் டீலக்ஸ் விமர்சனம்!

Published

on

சூப்பர் டீலக்ஸ் படம் சூப்பர் என்று சொல்லும் கூட்டமும் இருக்கும், சுமார் என்று சொல்லும் கூட்டமும் இருக்கும், இதெல்லாம் ஒரு படமா என சொல்லும் கூட்டமும் இருக்கும், அப்படி ஒரு வித்தியாசமான அனுபவத்தை படமாக இயக்கி அசத்தியுள்ளார் தியாகராஜன் குமாரராஜா.

கமர்ஷியல் வெற்றியை படம் பெறுமா? என்பது சந்தேகமே? ஆனால், விமர்சன ரீதியாக படம் வெற்றி பெற்று விட்டது.

ஒரு படத்தில் 3 கதைகள் அவை தனித்தனியே பயணிக்கின்றன. பின்னர், ஒரு கதை மற்றொரு கதையுடன் தொடர்பு கொள்கிறது. இறுதியில், அனைத்து கதைகளுக்கும் சூப்பரான க்ளைமேக்ஸ் கொடுக்கப்பட்டுள்ளது.

பல இடங்களில் படம் போராக நகர்ந்தாலும், அடுத்து என்னாகும் என்ற ஈர்ப்பை ஏற்படுத்தும் விதமாகவே நகர்கிறது.

நடுவுல கொஞ்சம் பக்கத்த காணோம், மெல்லிசை மற்றும் சீதக்காதி படங்களில் விஜய்சேதுபதியுடன் நடித்த நடிகை காயத்ரியின் கணவராக விஜய்சேதுபதி நடித்துள்ளார். அவர்களுக்கு ஒரு மகனும் இருக்கிறான்.

துபாய்க்கு வேலைக்கு சென்று திரும்பும் போது, தன்னுடைய உடலில் ஏற்பட்ட மாற்றத்தால், விஜய்சேதுபதி திருநங்கையாக மாறி விடுகிறார்.

திருநங்கை தோற்றத்தில் தனது தந்தையை மகன் பார்க்கும் காட்சி படத்தில், எப்படி ஜீரணிக்க முடியாமல், தவிக்க வைக்கிறது என்பதை வார்த்தைகளால் விவரிக்க முடியாது. பின்னர், விஜய்சேதுபதியின் வாழ்க்கையில் ஏற்படும் மாற்றங்களும், அவரைத் துரத்தும் பிரச்னைகளும் ஒரு டிராக்.

நண்பனின் வீட்டில் பிட்டு படம் பார்க்க, நான்கு நண்பர்கள் செல்கின்றனர். அவர்கள் பார்க்கும் பலான படத்தில், ரம்யா கிருஷ்ணன் வருகிறார். அவர், அந்த நான்கு பசங்களில் ஒருவனின் தாய், இதனால், தனது தாயை கொல்ல மகன் செய்யும் முயற்சிகள் ஒரு கதையாக இருக்கிறது.

சமந்தாவை ஃபகத் ஃபாசில் கட்டாயத்தின் பேரில் திருமணம் செய்து கொள்கிறார். ஆனால், சமந்தா தனது பழைய காதலரை கணவன் வீட்டில் இல்லாத நேரம் பார்த்து, அழைத்து உடலுறவு கொள்கிறார். ஆனால், எதிர்பாராத விதமாக அப்போது அவரது காதலர் இறக்க, இந்த விஷயம் கணவன் பகத் பாசிலுக்கு தெரிய, அவர்களுக்கு இடையே நடைபெறும் போராட்டம். போதாக் குறைக்கு இயக்குநர் மிஷ்கினின் ட்ராக் என கலந்து கட்டி கதை எப்படி முடியும் என்ற எதிர்பார்ப்பை எகிற வைத்து பக்காவாக முடித்துள்ளார் இயக்குநர்.

ஆரண்ய காண்டம் படத்திற்கு தேசிய விருது கிடைத்தது போல, இந்த படத்துக்கும் தேசிய விருது கிடைக்கும் என்றே எதிர்பார்க்கப்படுகிறது.

சாதாரண சிறுவன் முதல் பெரிய நட்சத்திரங்கள் வரை தங்களின் 100 சதவிகித நடிப்பை வெளிக்காட்டி அசத்தியுள்ளனர்.

படத்தின் ஒவ்வொரு ஃபிரேமும் பார்த்து பார்த்து செதுக்கப்பட்டுள்ளது.

ஆரண்ய காண்டம் போலவே, ஆபாச வசனங்கள் எந்த ஒரு மியூட்டும் இல்லாமல், இந்த படத்திலும் பல இடங்களில் வருவது படத்திற்கு பலம் சேர்த்தாலும், பார்ப்பவர்களுக்கு முகம் சுளிக்க வைக்கிறது.

ஒவ்வொரு சர்ச்சையான விஷயங்களையும் கொண்டு இந்த படம் உருவாகி இருப்பதால், பெரிய சர்ச்சை மற்றும் விவாதங்களையும் இந்த படம் உண்டு செய்யலாம்.

இந்த படம் முழுக்க முழுக்க விஜய்சேதுபதி படம் என்று நினைத்து பார்ப்பவர்களுக்கு நிச்சயம் பெரிய ஏமாற்றத்தை அளிக்கும். மூன்று மணி நேர மிக நீண்ட திரைப்படத்தில், வெறும் 35 நிமிடமே விஜய்சேதுபதி வருகிறார்.

சினி ரேட்டிங்: 3.75/5.

வணிகம்1 நாள் ago

மீண்டும் ஜெட் வேகத்தில் உயர்ந்த தங்கம் விலை (28/03/2024)!இன்று ரூ.50 ஆயிரத்தை தொட்டது!

சினிமா செய்திகள்1 மாதம் ago

விஜய் வேண்டாம் என நிராகரித்து மிகப் பெரிய வெற்றிபெற்ற 5 படங்கள்!

டிவி1 மாதம் ago

கோபியின் அலுவலகம் மூடப்பட்டத்தைத் தெரிந்துகொண்ட ராதிகா.. அதிர்ச்சிக்குள்ளாகும் ஈஸ்வரி: பாக்கியலட்சுமி சீரியல் இந்த வாரம்!

வணிகம்2 மாதங்கள் ago

2024 தொடங்கி ஒரு மாதம் கூட முடியவில்லை.. அடுத்தடுத்து ஊழியர்களை பணிநீக்கம் செய்யும் நிறுவனங்கள்!

வணிகம்2 மாதங்கள் ago

சென்னையிலிருந்து அயோத்திக்கு நேரடி விமானம்.. டிக்கெட் விலை எவ்வளவு தெரியுமா?

பர்சனல் பைனான்ஸ்3 மாதங்கள் ago

இன்போசிஸ் நிறுவனத்தில் இன்று ரூ.10000 முதலீடு செய்தால், பங்கு விலை அதிகபட்ச உச்சத்தை எட்டும்போது என்ன ஆகும்?

தமிழ்நாடு3 மாதங்கள் ago

இந்தியாவின் டாப் 100 சுத்தமான நகரங்கள் பட்டியலில் தமிழ்நாட்டிலிருந்து ஒன்று கூட இல்லையா?

ஆட்டோமொபைல்3 மாதங்கள் ago

தமிழ்நாட்டில் ரூ.4000 கோடியில் எலக்ட்ரிக் கார் உற்பத்தி ஆலை அமைக்கும் வின்ஃபாஸ்ட்!

பர்சனல் பைனான்ஸ்3 மாதங்கள் ago

இந்தியாவில் சிறப்பாகச் செயல்பட்டு வரும் 3 தேசிய பென்ஷன் திட்டங்கள்!

வணிகம்3 மாதங்கள் ago

விப்ரோ நிறுவன ஊழியர்கள் ராஜினாமா செய்தால் இந்த 9 நிறுவனங்களில் ஒரு வருடத்துக்கு வேலைக்குச் சேர முடியாதா? உண்மை என்ன?