‘அண்ணாத்த’ படப்பிடிப்புக்கு கெத்தாக புறப்பட்ட சூப்பர் ஸ்டார்!

சூப்பர்ஸ்டார் ரஜினிகாந்த், சிறுத்தை சிவா இயக்கத்தில் ‘அண்ணாத்த’ படத்தில் நடித்து வந்தார். கொரோனா வைரஸ்த் தொற்றுப் பரவல் காரணமாக அண்ணாத்த படப்பிடிப்பு நடுவில் நிறுத்தப்பட்டது. பின்னர் ரஜினி இல்லாத காட்சிகளை இயக்குநர் சிவா எடுத்து வந்தார். படத்திற்கான 60 சதவீத பணிகள் முடிவடைந்த நிலையில், ரஜினி நடித்துக் கொடுக்க வேண்டிய காட்சிகள் மட்டும் பாக்கியிருந்தன.

ஆனால், கொரோனா அச்சம் காரணமாக ரஜினி, ஷூட்டிங்கில் பங்கேற்காமல் இருந்தார். இந்நிலையில் ஐதராபாத்தில் நடக்கும் அண்ணாத்த படப்பிடிப்புக்கு ரஜினி, தனி விமானம் மூலம் புறப்பட்டுள்ளார். வரும் 15 ஆம் தேதி முதல் அண்ணாத்த பட ஷூட்டிங் ஆரம்பிக்கிறது.

#SuperstarRajinikanth leaves to Hyderabad for #Annaatthe shoot pic.twitter.com/1YVdhVcIMY

— Sun Pictures (@sunpictures) December 13, 2020

படப்பிடிப்பில் கலந்து கொண்டு அண்ணாத்த படத்தை முழுவதுமாக முடித்துக் கொடுத்தவிட்டு, தனது அரசியல் கட்சி ஆரம்பிக்கும் பணியில் மும்முரமாக ஈடுபட ரஜினி முடிவெடுத்துள்ளார். வரும் டிசம்பர் 31 ஆம் தேதி இது குறித்து முக்கிய அறிவிப்பு வெளியிடப்படும் என்று ரஜினி முன்னரே தெரிவித்திருந்தது குறிப்பிடத்தக்கது.