ஸ்பாய்லர்ஸ் அலர்ட்: அவெஞ்சர்ஸ் எண்ட்கேம் விமர்சனம்!

ஒருவழியாக ஏப்ரல் 26ம் தேதியும் வந்துவிட்டது. உலக மக்கள் எதிர்பார்த்து காத்துக் கொண்டிருந்த அவெஞ்சர்ஸ் எண்ட்கேம் படத்தின் எண்ட் என்ன என்பதும் தானோஸை அழிக்கும் முயற்சியில் அவெஞ்சர்ஸ் டீமுக்கு எத்தனை இழப்புகள் ஏற்பட்டது என்றும் தெரிந்துவிட்டது. விமர்சனத்துக்குள் செல்லும் முன், படம் குறித்த பல தகவல்கள் இருப்பதால், நான் படத்தைப் பார்த்துவிட்டுத் தான் விமர்சனம் படிப்பேன் என்பவர்கள், இனியும் விமர்சனத்தை தொடர வேண்டாம்.

கடந்த மாதம் கேப்டன் மார்வெல் வந்தவுடன் காளி ஆத்தா வந்துவிட்டா, ஈஸியா தானோஸை அழித்து உயிரிழந்த பாதி மக்களை மீண்டும் கொண்டு வருவார்கள் என எண்ணினோம். ஆனால், மார்வெல்ஸ் அதற்கு மாறாக உணர்ச்சி பொங்க ஒரு ஆக்‌ஷன் சூப்பர் ஹீரோ படத்தை கொடுத்துள்ளது.

அவெஞ்சர்ஸ் இன்பினிட்டி வார் படத்தில் 6 இன்பினிட்டி கற்களையும் கைப்பற்றும் தானோஸ் ஒரு சொடக்கில் பாதி உலகத்தை அழித்து விடுவான்.

அதில், டாக்டர் ஸ்ட்ரேஞ், ஸ்பைடர்மேன், பிளாக் பாந்தர் உட்பட பாதி சூப்பர் ஹீரோ டீமும் அழிந்துவிடும். மீதமுள்ள சூப்பர் டீம் உலகத்தை காப்பற்ற முடியவில்லையே என்ற குற்ற உணர்ச்சியில், தவித்து இருப்பார்கள்.

விண்வெளியில் தானோஸிடம் சண்டையிட்டு தோற்ற அயன்மேன் பூமிக்கு திரும்பமுடியாமல் உயிருக்கு போராடிக் கொண்டு இருப்பார்.

கேப்டன் மார்வெல் எண்ட் கிரெடிட்ஸில் பூமிக்கு வரும் கேப்டன் மார்வெல், விண்வெளிக்கு சென்று டோனி ஸ்டார்க்கை காப்பாற்றிக் கொண்டு பூமிக்கு வருவார்.

குவாண்டம் உலகில் இருந்து தப்பித்து வரும் ஆன்ட் மேன், டைம் டிராவல் குறித்த விஷயத்தை அவெஞ்சர்ஸ் டீமிடம் சொல்ல, டைம் டிராவல் செய்து இன்பினிட்டி கற்களை எடுத்து தானோஸின் முயற்சியை முறியடிக்க அவெஞ்சர்ஸ் குழு மோதும் இறுதி யுத்தமே இந்த எண்ட்கேம்.

அதில், வெற்றி பெற்றார்களா இல்லையா என்பதை விறுவிறுப்பான ட்விஸ்ட் கலந்த திரைக்கதையுடன் இருப்பதை தியேட்டரில் சென்று கண்டு களியுங்கள்.

உயிரிழந்த பாதி மக்களையும் பாதி சூப்பர் ஹீரோக்களையும் மீட்டு கொண்டு வரும் முயற்சி ஈஸியாக இருந்து விட்டால் படம் படு மொக்கை என அனைவரும் விமர்சித்திருப்பர்.

ஆனால் அயன்மேன், பிளாக் விடோ இன்னும் சில சூப்பர் ஹீரோக்களை நிரந்தரமாக உயிர்த்தியாகம் செய்ய வைத்து உலகத்தை ரட்சித்திருப்பது தான் படத்தின் ஹைலைட்.

11 ஆண்டுகளாக 22 மார்வெல் படங்களின் மொத்ததிற்குமான கிளைமேக்ஸ் படமாக வந்துள்ள அவெஞ்சர்ஸ் எண்ட்கேம் படத்தை பார்க்கும் மார்வெல் ரசிகர்கள் கண்ணீர் விடாமல் வெளியே வர முடியாது.

பல்ப்ஸ்:

முதல் பாதி சற்று சோகமயமாக செல்கிறது. எந்த பெரிய சண்டைக் காட்சிகளும் இடம் பெறவில்லை. தோர் மற்றும் ஹல்கை இந்த படத்திலும் காமெடி அம்சங்களாகவே மாற்றியுள்ளது. தமிழில் படத்தை பார்க்க செல்பவர்களுக்கு விஜய் சேதுபதி வாய்ஸ் என்ன கொடுமை சார்? என்றே சொல்ல தூண்டுகிறது.

மொத்தத்தில் பத்தாண்டுகால மார்வெல் திரையுலகம் நல்ல நிறைவைத் தந்துள்ளது. அடுத்து வெளியாகவுள்ள ஸ்பைடர்மேன், பிளாக் விடோ படங்கள் ப்ரீக்குவலாக இருக்கும் என எண்ணுகிறோம்.

மேலும், டோனி ஸ்டார்க் இல்லாத அவெஞ்சர்ஸ் அணி மீண்டும் இணையுமா? என்ற பில்லியன் டாலர் கேள்வியும் எழுந்துள்ளது.