விஜய்யின் 68வது படத்தை இயக்கும் லவ் டுடே பிரதீப் ரங்கநாதன்!

தமிழ் சினிமாவில் கோமாளி படத்தின் இயக்குநராக அறிமுகமாகிய பிரதிப் ரங்கநாதன், லவ் டுடே படத்தை நடித்து இயக்கி பெரும் வரவேற்பைப் பெற்றுள்ளார்.

இந்த ஆண்டு தமிழ் சினிமாவில் குறைந்த பட்ஜெட்டில் தயாராகி புதுமுக நடிகர் நடித்து மிகப் பெரிய வெற்றியைப் பெற்ற படம் என்றால் அது லவ் டுடே.

லவ் டுடே படம் ரசிகர்களிடம் பெரும் வரவேற்பைப் பெற்ற பிறகு செய்தியாளர்களைச் சந்தித்த பிரதீப் ரங்கநாதன், தளபதி விஜய்க்குக் கதை கூறியுள்ளேன். ஆனால் அது எப்போது நிறைவாகும் என தெரியாது என கூறியிருந்தார்.

இந்நிலையில் லோகேஷ் கனகராஜ் இயக்கத்தில், தளபதி 67 படத்தை தொடர்ந்து விஜய் நடிக்கும் 68 அல்லது 69வது படத்தை பிரதீப் ரங்கநாதன் இயக்குவார் என தகவல்கள் வெளியாகியுள்ளது.

விஜய் நடிப்பில் ஏற்கனவே ஏஜிஎஸ் நிறுவனம் பிகில் படத்தைத் தயாரித்ததைத் தொடர்ந்து, தளபதி 68 அல்லது 69வது படத்தைத் தயாரிக்கும் என தகவல்கள் கூறுகின்றன.

பிரதீப் ரங்கநாதன் நடித்து இயக்கிய லவ் டுடே படத்தையும் ஏஜிஎஸ் நிறுவனம் தயாரித்தது குறிப்பிடத்தக்கது.