செய்திகள்
2025 பொங்கல் பரிசு: வழங்கும் தேதி அறிவிப்பு வெளியானது!
2025 பொங்கல் பண்டிகையை முன்னிட்டு தமிழ்நாடு அரசு வழங்கும் பொங்கல் பரிசு தொகுப்பு தொடர்பான முக்கிய அறிவிப்பு வெளியிடப்பட்டுள்ளது.
தமிழ்நாடு அரசு, அரிசி குடும்ப அட்டைதாரர்கள் மற்றும் இலங்கைத் தமிழர் மறுவாழ்வு முகாம்களில் வசிக்கும் குடும்பத்தினருக்கு தலா 1 கிலோ பச்சரிசி, 1 கிலோ சர்க்கரை மற்றும் ஒரு முழு கரும்பை வழங்கும் திட்டத்தை அறிவித்துள்ளது. இதன் மூலம் 2.2 கோடி குடும்பங்கள் பயன்பெறும் என்று தெரிவிக்கப்பட்டுள்ளது.
இதைச் செயல்படுத்த, ஜனவரி 3ஆம் தேதி முதல் பரிசு பெறுவதற்கான டோக்கன்கள் வழங்கப்படும். டோக்கனில் அட்டையாளர்கள் வந்து பரிசு பெற வேண்டிய நாள் மற்றும் நேரம் குறிப்பிடப்பட்டிருக்கும்.
பொங்கல் பரிசு தொகுப்புகள் ஜனவரி 9ஆம் தேதி முதல் விநியோகிக்கப்படும். விடுமுறை நாட்களான ஜனவரி 3 மற்றும் 10 ஆகிய தினங்களிலும் நியாய விலைக் கடைகள் இயங்கும் என கூட்டுறவுத்துறை அறிவித்துள்ளது.
இதற்கான வேட்டி மற்றும் சேலைகள் தயாரிக்கப்பட்டு, அனைத்து மாவட்டங்களுக்கும் அனுப்பி வைக்கப்பட்டுள்ளன. இந்த திட்டத்திற்காக அரசுக்கு 249.76 கோடி ரூபாய் செலவு ஏற்படும் என தெரிவிக்கப்பட்டுள்ளது.
தமிழக மக்கள் அனைவரும் தைப்பொங்கலை சிறப்பாகக் கொண்டாடும் விதமாக தமிழ்நாடு அரசு இந்த முக்கிய நடவடிக்கைகளை எடுத்துள்ளது. நியாய விலைக் கடைகளில் குறிப்பிட்ட தேதியில் பொதுமக்கள் தங்கள் பரிசுத் தொகுப்புகளை பெற்றுக்கொள்ளலாம்.
