17,000க்கும் மேற்பட்ட மத்திய அரசு பணியிடங்கள் அறிவிப்பு! பட்டதாரிகளுக்கு பொற்கால வாய்ப்பு!

மத்திய அரசின் பல்வேறு அமைச்சகங்கள்/துறைகள்/நிறுவனங்களில் காலியாக உள்ள 17,000க்கும் மேற்பட்ட குரூப் ‘பி’ மற்றும் ‘சி’ பணியிடங்களை நிரப்ப மத்திய பணியாளர் தேர்வாணையம் (SSC) அறிவிப்பு வெளியிட்டுள்ளது. பட்டதாரிகள் இந்த பொன்னான வாய்ப்பை பயன்படுத்திக் கொள்ளலாம்.

நிறுவனம்: மத்திய பணியாளர் தேர்வாணையம் (SSC)

நிரப்பப்படும் பணியிடங்களின் விவரம்:

மொத்த காலியிடங்கள்: 17,000

குரூப் ‘பி’ பணியிடங்கள்

உதவி தணிக்கை அதிகாரி, உதவி கணக்கு அதிகாரி, உதவி பிரிவு அதிகாரி
உதவியாளர், வருமான வரி ஆய்வாளர், ஆய்வாளர் (CGST & மத்திய சுங்கம்)
ஆய்வாளர் (தடுப்பு அதிகாரி), ஆய்வாளர் (பரிசோதனை அதிகாரி), உதவி அமலாக்க அதிகாரி, உதவி ஆய்வாளர், ஆய்வாளர் பணியிடங்கள், உதவி/ கண்காணிப்பாளர், ஆராய்ச்சி உதவியாளர், பிரிவு கணக்காளர், உதவி ஆய்வாளர், இளைய புள்ளிவிவர அதிகாரி (JSO), புள்ளிவிவர ஆய்வாளர் இரண்டாம் தரம், குரூப் ‘சி’ பணியிடங்கள், தபால் உதவியாளர்/ தரம் பிரிக்கும் உதவியாளர், கணக்காளர், கணக்காளர்/ இளைய கணக்காளர், மூத்த செயலக உதவியாளர்/ மேல் பிரிவு எழுத்தாளர்கள், மூத்த நிர்வாக உதவியாளர், வரி உதவியாளர், உதவி ஆய்வாளர்(Assistant Audit Officer, Assistant Accounts Officer, Assistant Section Officer, Assistant, Inspector of Income Tax, Inspector, (CGST & Central Excise), Inspector (Preventive Officer), Inspector (Examiner), Assistant Enforcement Officer, Sub Inspector, Inspector Posts, Assistant/ Superintendent, Research Assistant, Divisional Accountant, Sub Inspector, Junior Statistical Officer (JSO), Statistical Investigator Grade-II, குரூப் ‘சி’ பதவிகள், Postal Assistant/ Sorting Assistant, Auditor, Accountant/ Junior Accountant, Senior Secretariat Assistant/ Upper Division Clerks, Senior Administrative Assistant, Tax Assistant, Sub-Inspector)

கல்வித் தகுதி:

அங்கீகரிக்கப்பட்ட பல்கலைக்கழகத்தில் இளங்கலை பட்டப்படிப்பில் தேர்ச்சி பெற்றிருக்க வேண்டும். சில குறிப்பிட்ட பணியிடங்களுக்கு கூடுதல் தகுதிகள் தேவைப்படும்.

வயது வரம்பு:

இந்த பணியிடங்களுக்கு 01.08.2024 தேதியன்று 18 வயது முதல் 30 வயது வரை உள்ளவர்கள் விண்ணப்பிக்கலாம். இருப்பினும், எஸ்சி/எஸ்டி பிரிவினருக்கு 5 ஆண்டுகள், ஓபிசி பிரிவினருக்கு 3 ஆண்டுகள் மற்றும் மாற்றுத் திறனாளிகளுக்கு 10 ஆண்டுகள் வயது வரம்பு தளர்வு அளிக்கப்பட்டுள்ளது.

ஊதியம்:

ஒவ்வொரு பதவிக்கும் வெவ்வேறு அளவுகோலில் ஊதியம் நிர்ணயிக்கப்பட்டுள்ளது. அதன் விவரம் பின்வருமாறு:
Pay Level-8 (ரூ. 47600 முதல் 151100 வரை)
Pay Level-7 (ரூ. 44900 முதல் 142400 வரை)
Pay Level-6 (ரூ. 35400 முதல் 112400 வரை)
Pay Level-5 (ரூ. 29200 முதல் 92300 வரை)
Pay Level-4 (ரூ. 25500 முதல் 81100 வரை)

தேர்வு முறை:

தேர்வு முதல்நிலை மற்றும் முதன்மை தேர்வு என இரண்டு கட்டங்களாக நடைபெறும். முதல் நிலை தேர்வானது கணினி வழி தேர்வு மூலம் நடத்தப்படும். அதில் தேர்வானவர்களுக்கு முதன்மை தேர்வானது எழுத்துத் தேர்வு முறையில் நடத்தப்படும். சில பதவிகளுக்கு கூடுதல் தகுதித் தேர்வும் நடத்தப்படும் என்பது கவனிக்கத்தக்கது.

முதல்நிலைத் தேர்வு 200 மதிப்பெண்களுக்கு நடைபெறும். இதில் General Intelligence and Reasoning, General Awareness, Quantitative Aptitude, English Comprehension ஆகிய பகுதிகளில் இருந்து தலா 25 கேள்விகள் என மொத்தம் 100 கேள்விகள் கேட்கப்படும். இதற்கான கால அளவு 1 மணி நேரம். இதில் தகுதி பெறுபவர்கள் முதன்மைத் தேர்வுக்கு அழைக்கப்படுவர்.

முதன்மைத் தேர்வு 390 மதிப்பெண்களுக்கு நடைபெறும். இதில் Mathematical Abilities மற்றும் Reasoning and General Intelligence பிரிவில் தலா 30 கேள்விகளும் English Language and Comprehension பிரிவில் 45 கேள்விகளும் General Awareness பிரிவில் 25 கேள்விகளும் என 130 கேள்விகள் கேட்கப்படும். Computer Knowledge பிரிவில் 20 வினாக்கள் கேட்கப்படும். ஆனால் இது தகுதி பிரிவு மட்டுமே. அதன்பின்னர் தட்டச்சு தேர்வு நடைபெறும்.

பாடத்திட்டம்:

பொது அறிவு பிரிவில் இந்தியா மற்றும் அதன் அண்டை நாடுகள் குறிப்பாக வரலாறு, கலாச்சாரம், புவியியல், பொருளாதாரம், பொதுக் கொள்கை & அறிவியல் ஆராய்ச்சி ஆகிய பகுதிகளில் இருந்து வினாக்கள் இடம்பெறும்.

ஆங்கில பிரிவில் தேர்வர்களின் அடிப்படை ஆங்கில திறனை சோதிக்கும் வகையில் கேள்விகள் இடம்பெறும்.

கணித பிரிவில் எண் கணிதம், இயற்கணிதம், வடிவியல், முக்கோணவியல், வட்டி கணக்குகள், சராசரி, விகிதம் உள்ளிட்ட பகுதிகளில் இருந்து வினாக்கள் இடம்பெறும்.

திறனறிதல் பிரிவில் எண்கள், படங்கள், திசைகள், எண் வரிசை, மறைகுறியாக்கட்ட வரிசைகள் உள்ளிட்ட பகுதிகளிலிருந்து வினாக்கள் கேட்கப்படும்.

விண்ணப்பிக்கும் முறை :

இந்த பணியிடங்களுக்கு விண்ணப்பிக்க https://ssc.gov.in/ என்ற இணையதள பக்கத்திற்கு சென்று விண்ணப்பிக்க வேண்டும்.

விண்ணப்பக் கட்டணம் :

ரூ. 100, இதில் எஸ்சி/எஸ்டி பிரிவினர் மற்றும் பெண்களுக்கு விண்ணப்பக் கட்டணம் இல்லை.

விண்ணப்பிக்க கடைசி நாள் : 24.07.2024

இந்த அறிவிப்பு தொடர்பாக மேலும் விவரங்கள் அறிய https://ssc.gov.in/ என்ற இணையதளப் பக்கத்தினைப் பார்வையிடவும்.