சினிமா செய்திகள்
இது ரொம்ப தப்பு, ஒருநாள் எனக்கும் தோல்வி வரும்: நெல்சன் குறித்து லோகேஷ் கனகராஜ்
இயக்குநர் நெல்சனை கடந்த சில நாட்களாக நெட்டிசன்கள் சமூக வலைத்தளத்தில் கலாய்த்து வரும் நிலையில் இது ரொம்ப தப்பு என்றும், ஒரு நாள் எனக்கே கூட தோல்வி வரும் என்றும் இயக்குனர் லோகேஷ் கனகராஜ் தெரிவித்துள்ளார்.
இயக்குனர் நெல்சன் இயக்கிய ’பீஸ்ட்’ திரைப்படம் வெளியாகி எதிர்பார்த்த வெற்றியை தரவில்லை. ஆனால் அதே நேரத்தில் இயக்குனர் லோகேஷ் கனகராஜ் இயக்கிய விக்ரம் திரைப்படம் உலகம் முழுவதும் மிகப்பெரிய வெற்றி பெற்றது.
இதனை அடுத்து இந்த இரண்டு திரைப்படங்களின் வெற்றி தோல்விகளை ஒப்பிட்டு சமூக வலைதளங்களில் நெல்சனை கேலியும் கிண்டலும் செய்து வருகின்றனர். இதற்கு பதிலளித்துள்ள லோகேஷ் கனகராஜ், ‘நெல்சன் எனக்கு ஒரு நல்ல நண்பர், எனக்கு இது நிஜமாகவே கஷ்டமாக இருக்கின்றது. ஏனெனில் நாளைக்கு எனக்கே கூட ஒரு பெரிய தோல்வி வரும். எல்லாத்துக்கும் ஒரு லிமிட் இருக்கிறது, அதை தாண்டினால் எல்லாருக்கும் கஷ்டம் தான்’ என்று கூறியுள்ளார்.
