செய்திகள்
கடைசி வாய்ப்பு! கலைஞர் மகளிர் உரிமைத் தொகை திட்டத்திற்கு விண்ணப்பிக்க ஜூலை 15தான் இறுதி நாள்!
கலைஞர் மகளிர் உரிமைத் தொகை – இப்போது விண்ணப்பிக்க கடைசி வாய்ப்பு!
தமிழ்நாடு அரசு செயல்படுத்தி வரும் கலைஞர் மகளிர் உரிமைத் தொகை திட்டத்திற்கு தற்போதைய ஆட்சியில் இது கடைசி வாய்ப்பாக இருக்கலாம். இதற்கான காரணங்கள் அரசியல் சூழ்நிலைகளும், வரவிருக்கும் சட்டப்பேரவை தேர்தலையும் மையமாக கொண்டே அமைகின்றன.
ஜூலை 15ஆம் தேதி நடைபெறும் “உங்களுடன் ஸ்டாலின்” முகாமில் மட்டும் புதிய விண்ணப்பங்களைச் சமர்ப்பிக்க முடியும். இதுவரை விண்ணப்பிக்காதவர்கள், அல்லது விண்ணப்பம் நிராகரிக்கப்பட்டவர்கள் மீண்டும் முயற்சிக்க இதுவே இறுதி வாய்ப்பு.
தகுதிகள் உள்ளவர்கள் –
முதல் முறையாக விண்ணப்பிக்க விரும்புபவர்கள்
நிராகரிக்கப்பட்ட விண்ணப்பதாரர்கள்
ஓய்வூதியம் பெறும் அரசு ஊழியர்களின் குடும்பத்தினர்
எல்லோருக்கும் இந்த முகாம் மூலமாக புதிய வாய்ப்பு வழங்கப்படுகிறது.
இந்த திட்டத்தின் செயல்பாடு, பயனாளிகள் தேர்வு, மற்றும் திட்டத்தை விரிவாக்கும் பணிகள் அனைத்தும் செப்டம்பர் அல்லது அக்டோபர் மாதத்துக்குள் முடிக்கப்பட வேண்டும். ஏனெனில், அதற்கு பிறகு தமிழகத்தில் தேர்தல் பணிகள் தீவிரமாகும்.
மேலும், தற்போதைய அரசு ஆட்சிக்காலம் முடிவடையவுள்ளதால், இன்னொரு முறையாவது இதுபோன்ற வாய்ப்பு வரும் என கூற இயலாது. சட்டப்பேரவை தேர்தலுக்குப் பிறகு ஆட்சியில் யார் வருவார்கள் என்பதற்கேற்ப திட்டத்தின் தொடர்ச்சி அமையும்.
அதனால், தகுதியுள்ள மகளிர் இந்த வாய்ப்பை தவறவிடாமல் ஜூலை 15ஆம் தேதி நடைபெறும் முகாமில் கலந்து கொண்டு விண்ணப்பிக்க வேண்டியது அவசியம்.
