சுயதொழில் விருப்பமா? கலைஞர் கைவினைத் திட்டத்தில் ரூ.3 லட்சம் கடனுதவிக்கு இப்போது விண்ணப்பிக்கலாம்!

தமிழக அரசின் முக்கியமான புதிய முயற்சியாக செயல்படும் “கலைஞர் கைவினைத் திட்டம்” (Kalaignar Kaivinai Thittam) சுயதொழில் தொடங்க விருப்பமுள்ள கைவினைத் துறையைச் சார்ந்தவர்களுக்கு சிறந்த வாய்ப்பாக உள்ளது. இத்திட்டத்தின் மூலம், பிணையமின்றி ரூ.3 லட்சம் வரையிலான கடனுதவியும், அதனுடன் ரூ.50,000 வரை மானியமாகவும் பெற முடியும்.

இந்த திட்டம், மாவட்ட தொழில் மையங்கள் மூலம் செயல்படுத்தப்படுகிறது. தொழில் துவக்க விழிப்புணர்வு மற்றும் திறன்மேம்பாட்டு பயிற்சிகளும் இத்திட்டத்தின் கீழ் வழங்கப்படுகின்றன. விண்ணப்பதாரர்கள் குறைந்தபட்சம் 35 வயதைக் கடந்தவர்களாக இருக்க வேண்டும். எந்தவொரு சமூகத்தைச் சேர்ந்தவர்களும் விண்ணப்பிக்கலாம்.

விண்ணப்பிக்கக்கூடிய துறைகள்:

தையல், கட்டிட வேலை, மர வேலை, தோல் உற்பத்தி, மீன்வலை உருவாக்கம், நகை வடிவமைப்பு, அழகு சேவைகள், ஜவுளி அச்சிடுதல், கூடை பின்னல், சுடுமண் வேலை, பொம்மை தயாரித்தல், உலோக வேலை, மூங்கில் மற்றும் பனை பொருட்கள் தயாரித்தல், பாரம்பரிய இசைக்கருவிகள் உற்பத்தி, ஓவியம், சிற்பக்கலை, மற்றும் பல கைவினைப் பணிகள்.

எப்படி விண்ணப்பிப்பது?

தற்போது நடைபெற்று வரும் “உங்களுடன் ஸ்டாலின்” திட்ட முகாம்களில் பங்கேற்று, குறு, சிறு மற்றும் நடுத்தர தொழில் நிறுவனங்கள் (MSME) துறையின் கீழ் செயல்படும் மாவட்ட தொழில் மைய அலுவலர்களை நேரில் சந்தித்து விண்ணப்பிக்கலாம்.

தொடர்பு எண்கள்:

• 📞 0421-2475007

• 📞 89255 34024

• 📞 89255 34025

சிறப்புத் தகவல்:
திருப்பூர் மாவட்டத்தில் இதுவரை 526 பேர் ஒப்புதலுடன் விண்ணப்பித்துள்ளதுடன், 85 நபர்களுக்கு கடனும் வழங்கப்பட்டுள்ளது. இந்த வாய்ப்பை பயன்படுத்தி உங்கள் தொழில் கனவை நனவாக்கிக் கொள்ளுங்கள்.

கலைஞர் கைவினைத் திட்டம் தமிழகத்தின் அனைத்து மாவட்ட மக்களுக்கும் திறந்துள்ளது. உங்கள் பகுதியிலுள்ள உங்களுடன் ஸ்டாலின் முகாமில் கலந்து கொண்டு இத்திட்டத்தில் சேர்ந்து சுயதொழில் தொடங்கும் சிறந்த வாய்ப்பை தவறவிடாதீர்கள்!