தமிழகத்தில் ராமராஜ்யம்: செல்லூர் ராஜூ கருத்துக்கு கடம்பூர் ராஜூ விளக்கம்!

விரைவில்  தமிழகத்தில் ராமராஜ்யம் நடக்கும் என நேற்று முன்னாள் அதிமுக அமைச்சர் செல்லூர் ராஜூ கூறியது பெரும் பரபரப்பை ஏற்படுத்தியது என்பதும் பாஜகவின் மனசாட்சியை அவர் வெளிப்படுத்துவதாக விமர்சனம் எழுந்தது என்பதும் தெரிந்ததே.

இந்த நிலையில் தமிழகத்தில் ராமராஜ்யம் நடைபெறும் என்று செல்லூர் ராஜு கூறியதற்கு இன்று முன்னாள் அமைச்சர் கடம்பூர் ராஜு விளக்கமளித்துள்ளார். தமிழகத்தில் ராமராஜ்யம் அமைப்போம் என்று செல்லூர் ராஜூ சொன்னதில் தவறு இல்லை என்றும் நல்ல ஆட்சி என்றால் அதனை ராமராஜ்யம் என்று அனைவரும் அழைப்பார்கள் என்றும் அதற்கும் இந்து மதத்திற்கும் எந்த வித தொடர்பும் இல்லை என்றும் கூறினார்.

அதிமுக முன்னாள் அமைச்சர் கடம்பூர் ராஜூவின் இந்த விளக்கம் பரபரப்பை ஏற்படுத்திய நிலையில் செல்லூர் ராஜூ போலவே கடம்பூர்ராஜூவும் பாஜகவின் மனநிலையை கொண்டு உள்ளார் என்று விமர்சனம் எழுந்துள்ளது.