இந்தியன் 2 படத்திலும் இவர்தான் வில்லனா?

கமல் – ஷங்கர் கூட்டணியில் 1996ஆம் ஆண்டில் வெளிவந்து பிளாக்பஸ்டர் ஆன திரைப்படம் இந்தியன். ஊழல்வாதிகளுக்கு எதிராக பலமான சாட்டையாக உருவாகிய இப்படத்தை தொடர்ந்து 22 ஆண்டுகள் கழித்து தற்போது இதன் இரண்டாம் பாகத்தை இயக்க கமல் மற்றும் ஷங்கர் முடிவு செய்துள்ளனர்.

பிக்பாஸ் ஷோவிலேயே இப்படத்தை துவங்கவுள்ளதாக அறிவித்தும், படத்தின் ப்ரீ புரொடக்‌ஷன் பணிகள் மட்டுமே சென்று கொண்டிருக்கிறது. படத்தின் ஷூட்டிங் விரைவில் துவங்கும் என அறிவிக்கப்பட்டுள்ளது.

இப்படத்தில் கமலுக்கு வில்லனாக நடிக்க அஜய்தேவ்கனை ஷங்கர் புக் செய்ததாக கூறப்பட்டது. இந்நிலையில், தற்போது, அஜய்தேவ்கன் நடிக்கவில்லை என்றும், 2.0 படத்தில் வில்லனாக நடித்த பாலிவுட் ஹீரோ அக்‌ஷய்குமாரே இப்படத்திலும் தொடர்கிறார் என்ற தகவலும் நேற்று வெளியாகியுள்ளது.

இதுகுறித்த அதிகாரப்பூர்வ தகவல் விரைவில் வெளியிடப்படும் என கோலிவுட்டின் நெருங்கிய வட்டாரங்கள் தெரிவித்துள்ளது.

அப்போ, தமிழ் சினிமாவின் புதிய வில்லனாகவே அக்‌ஷய்குமார் மாறிவிட்டார் என்றே தோன்றுகிறது.