கோடைக்காக குளிர்ந்த சூப்பரான டிபன்! வெள்ளரிக்காய் தோசை செய்வது எப்படி?

கோடை வெயில் தாங்க முடியாமல் உடல் சூடு ஏறிவிடுகிறதா? இதை சமாளிக்க, உடலை குளிர்விக்கும் உணவுகளை சேர்த்துக் கொள்ள வேண்டும். அந்தவகையில், வெள்ளரிக்காய் மிக சிறந்த தேர்வு. இன்று காலையிலேயே சூப்பரான ஒரு டிபன் செய்து சாப்பிடலாம் – வெள்ளரிக்காய் தோசை!

இந்த தோசை உடல் சூட்டை தணிக்க, எளிதாக செரிமானமாகவும், சுவையாகவும் இருக்கும். மேலும், சட்னி அல்லது சாம்பாருடன் மிக நல்ல ஜோடியாக இருக்கும்.

 தேவையான பொருட்கள்:

✔️ ரவை – 1 கப்
✔️ அரிசி மாவு – 1/2 கப்
✔️ பெரிய வெள்ளரிக்காய் – 1/2 (தோலை நீக்கி, துண்டுகளாக்கியது)
✔️ இஞ்சி – சிறிய துண்டு
✔️ பச்சை மிளகாய் – 3
✔️ வெங்காயம் – 1 (நறுக்கியது)
✔️ கறிவேப்பிலை, கொத்தமல்லி – சிறிதளவு
✔️ சீரகம், மிளகு – தலா 1 டீஸ்பூன்
✔️ உப்பு – தேவைக்கேற்ப
✔️ எண்ணெய் – தேவையான அளவு

 எளிய செய்முறை:

1️⃣ ரவையை 10 நிமிடம் தண்ணீரில் ஊற வைக்கவும்.
2️⃣ வெள்ளரிக்காய், பச்சை மிளகாய், இஞ்சி சேர்த்து மிக்ஸியில் அரைக்கவும்.
3️⃣ இதை ஊறிய ரவை, அரிசி மாவு, உப்பு சேர்த்து நன்கு கலந்து மாவாகத் தயார் செய்யவும்.
4️⃣ பின்னர் வெங்காயம், கறிவேப்பிலை, கொத்தமல்லி, சீரகம், மிளகு சேர்க்கவும்.
5️⃣ தோசை மாவு பதத்திற்கு தண்ணீர் சேர்த்து கலந்து, தோசை கல்லில் ஊற்றி சுடவும்.
6️⃣ சுவையான வெள்ளரிக்காய் தோசை தயார்! 🍽️

 இந்த கோடையில் உங்களின் ஹெல்தி டிபன் இதுதான்!

✅ உடல் சூடு குறைக்கும்
✅ செரிமானத்திற்கு உதவும்
✅ கோடைக்கேற்ற உணவு