சினிமா
விஜய் ஆண்டனியின் ‘கொலை’- அசத்தலான ஃபர்ஸ்ட் லுக் போஸ்டர் வெளியீடு…
இசையமைப்பாளராக இருந்து நடிகராக மாறியவர் விஜய் ஆண்டனி. இவர் நடிப்பில் நான்கைந்து திரைப்படங்கள் உருவாகி ரிலீஸுக்கு தயாராகி வருகிறது. இதில் முதலில் வெளியான திரைப்படம் ‘கோடியில் ஒருவன்.’இப்படத்தை ஆனந்த கிருஷ்ணன் என்பவர் இயக்கியுள்ளார். இவர் ஏற்கனவே மெட்ரோ படத்தை இயக்கியவர்.
மீசைய முறுக்கு ஆகிய படங்களில் நடித்த ஆத்மிகா இப்படத்தில் அவருக்கு ஜோடியாக நடித்திருந்தார். இப்படம் ஒரு அரசியல் திரில்லராக வெளிவந்தது. இந்த படம் ரசிகர்களிடம் வரவேற்பை பெற்று வெற்றி பெற்றது.
தற்போது அடுத்த படத்திற்கு விஜய் ஆண்டனி தயாராகி வருகிறார். பாலாஜி குமார் இயக்கியுள்ள கொலை என்கிற படத்தில் அவர் நடித்துள்ளார். இப்படத்தின் ஃபர்ஸ்ட்லுக் போஸ்டர் வெளியாகி வரவேற்பை பெற்றுள்ளது.