கால் ரெக்கார்டிங் செயலிகள் இனி வேலை செய்யாது: கூகுள் அதிரடி அறிவிப்பு

செல்போனில் கால் வரும்போது அந்த கால் ரெக்கார்டிங் செய்யும் வசதியை தற்போது ஒரு சில செயலிகள் மூலம் இருக்கும் நிலையில் மே 11ஆம் தேதி முதல் கால் ரெக்கார்டிங் செயலிகள் செயல்படாது என கூகுள் நிறுவனம் அறிவித்துள்ளது பெரும் பரபரப்பை ஏற்படுத்தி உள்ளது.

கூகுள் பிளே ஸ்டோரில் இனி அனைத்து கால் ரெக்கார்டிங் செயலிகளும் தடை செய்யப்படும் என்றும் ஏற்கனவே போனில் கால் ரெக்கார்டு செயலிகள் இன்ஸ்டால் செய்யப்பட்டிருந்தால் அந்த செயலிகள் வேலை செய்யாது என்றும் கூகுள் அறிவித்துள்ளது .

எனவே இனிமேல் செல்போன் பயனாளர்கள் தங்களுக்கு வரும் கால் ரெக்கார்டிங் செய்ய முடியாது என்றும் ஆனால் அதே நேரத்தில் செல்போனில் உள்ள பில்ட்-இன் கால் ரெக்கார்டிங் வசதியை பயன்படுத்த முடியும் என்று கூகுள் நிறுவனம் தெரிவித்துள்ளது.

ஒருவேளை நம்முடைய செல்போனில் பில்ட் – இன் கால் ரெக்கார்டிங் வசதி இல்லை என்றால் மே 11-ஆம் தேதிக்கு பின்னர் கால் ரெக்கார்டிங் செய்ய முடியாத நிலை ஏற்படும் என்றும் குறிப்பிடப்பட்டுள்ளது .

ட்ரூ காலர் உள்பட பல கால் ரெக்கார்டிங் செயலிகள் தற்போது உலகம் முழுவதும் மில்லியன் கணக்கான பயனாளர்கள் பயன்படுத்தி வரும் நிலையில் கூகுள் நிறுவனத்தின் இந்த அறிவிப்பு பெரும் பரபரப்பை ஏற்படுத்தி உள்ளது.

கால் ரெக்கார்டிங் செய்யும் வசதி பிரவைசியை கேள்விக்குறியாகி விட்டது என்றும் ஒரு சிலர் இந்த செயலிகள் மூலம் கால் ரெக்கார்டிங் செய்து துஷ்பிரயோகம் செய்து வருவதாகவும் எழுந்த புகாரை அடுத்து இந்த கால் ரெக்கார்டிங் செயலிகள் தடை செய்யப்படுவதாக கூறப்படுகிறது.