அட்லியின் ‘லயன்’, அஜித் படத்தின் காப்பியா?

அட்லி ஒரு திரைப்படத்தை ஆரம்பித்து விட்டாலே அது எந்த படத்தின் காப்பி என நெட்டிசன்கள் கேலியும் கிண்டலும் செய்து வருவார்கள் என்பது தெரிந்ததே. அட்லியின் ராஜா ராணி படம் மவுனராகம் படத்தின் காப்பி என்றும், தெறி திரைப்படம் விஜயகாந்த்தின் ’சத்ரியன்’ படத்தின் காப்பி என்றும், மெர்சல் திரைப்படம் கமல்ஹாசனின் அபூர்வ சகோதரர்கள் படத்தின் காப்பி என்றும் பிகில் திரைப்படம் ஷாருக்கானின் ’சக்தே இந்தியா’ என்ற படத்தின் காப்பி என்று கூறப்பட்டது .

இந்த நிலையில் தற்போது அட்லீ இயக்கத்தில் ஷாருக்கான் நடித்து வரும் லயன் திரைப்படம் அஜித்தின் பில்லா படத்தின் காப்பி என்று கூறப்படுவதால் பெரும் பரபரப்பு ஏற்பட்டுள்ளது .

லயன் திரைப்படத்தில் ஷாருக்கான் இரண்டு வேடத்தில் நடித்து வருவதாகவும் ஒரு கேரக்டர் நல்லவனாகவும் இன்னொரு கேரக்டர் நெகட்டிவ் கேரக்டரில் உள்ளது என்றும் கூறப்படும் .

அஜித்தின் பில்லா படத்தில் அஜித் இரண்டு வேடத்தில் நடித்திருப்பார் என்பதும் ஒரு கேரக்டர் அப்பாவி கேரக்டர் என்பதும், இன்னொரு கேரக்டர் தான் வில்லன் என்பதும் தெரிந்தது .

அதேபோல் பில்லா படத்தில் வில்லன் அஜித் கேரக்டருக்கு ஜோடியாக நயன்தாரா நடித்து இருந்த நிலையில் லயன் படத்திலும் வில்லன் ஷாருக்கானுக்கு ஜோடியாக நயன்தாரா நடித்து வருவதால் இந்த படம் பில்லா படத்தின் காப்பியாக இருக்க அதிக வாய்ப்பு இருப்பதாக நெட்டிசன்கள் கூறி வருகின்றனர். இது எந்த அளவுக்கு உண்மை என்பதை லயன் திரைப்படம் வெளியாகும்போது பார்ப்போம்.