ஆந்திர புதிய அமைச்சரவையில் நடிகை ரோஜாவுக்கு பதவியா? பரபரப்பு தகவல்

ஆந்திர மாநில அமைச்சரவை மாற்றி அமைக்கப்பட உள்ளதாகவும் இதற்காக அனைத்து அமைச்சர்களும் ராஜினாமா செய்தார்கள் என்றும் செய்தியை ஏற்கனவே பார்த்து வந்த நிலையில் முதல்வர் ஜெகன் மோகன் தலைமையான புதிய மந்திரி சபை விரைவில் வரவிருக்கும் நிலையில் இந்த புதிய மந்திரி சபையில் நடிகை ரோஜா இடம் பெற அதிக வாய்ப்பு இருப்பதாக தகவல் வெளியாகி உள்ளது.

இதனை அடுத்து நகரியிலுள்ள ரோஜாவின் வீட்டில் ஒய்.எஸ்.ஆர். காங்கிரஸ் கட்சியின் தொண்டர்கள் இனிப்பு வழங்கியும் பட்டாசு வெடித்தும் கொண்டாடி வருவதாக கூறப்படுகிறது.

முதல்வர் ஜெகன் மோகன் ரெட்டியின் வேண்டுகோளுக்கு ஏற்ப கடந்த இரண்டு நாட்களுக்கு முன்னர் அமைச்சர்கள் அனைவரும் ராஜினாமா செய்த நிலையில் புதிய அமைச்சரவை பட்டியல் முதல்வரின் வீட்டில் தயாராகி விட்டதாகவும் இந்த பட்டியலில் நடிகை ரோஜா பெயர் இருப்பது குறித்த தகவல் கசிந்து விட்டதாகவும் கூறப்படுகிறது.

நடிகை ரோஜாவுக்கு எந்த துறை அமைச்சர் பதவி கிடைக்கும் என்பதை பொறுத்திருந்துதான் பார்க்க வேண்டும்.