Numerology: பிறந்த தேதியிலேயே தெரியும் ஈகோ குணம்.. இந்த தேதிகளில் பிறந்தவர்கள் மன்னிக்கவே மாட்டார்களாம்!

எண்ணியல் சாஸ்திரத்தின் படி, ஒருவரின் பிறந்த தேதி அவர்களின் குணாதிசயம், சிந்தனை முறை மற்றும் நடத்தை குறித்து பல விஷயங்களை வெளிப்படுத்தும் என்று நம்பப்படுகிறது. குறிப்பாக சில எண்களில் பிறந்தவர்கள் தங்களின் சுயமரியாதை மற்றும் ஈகோவை மிகவும் முக்கியமாகக் கருதுவார்கள்.

இவர்களின் மனதை யாராவது புண்படுத்தினால், அதை எளிதில் மறக்கவோ மன்னிக்கவோ மாட்டார்கள் என்றும் எண்ணியல் நிபுணர்கள் கூறுகின்றனர். அந்த வகையில் அதிக ஈகோ மற்றும் சுயமரியாதை கொண்டவர்களாக கருதப்படும் சில ரூட் நம்பர்கள் பற்றி பார்க்கலாம்.

நம்பர் 1

1, 10, 19, 28 ஆகிய தேதிகளில் பிறந்தவர்கள் நம்பர் 1 ஆக கருதப்படுகிறார்கள். இந்த எண்ணிற்கு சூரியனின் ஆதிக்கம் இருப்பதாக சொல்லப்படுகிறது.

இவர்கள் தலைமைத்திறன், தன்னம்பிக்கை மற்றும் நேர்மையான பேச்சு ஆகியவற்றால் தனித்துவமாக இருப்பார்கள். தங்களின் மரியாதையை மிகவும் உயர்வாகக் கருதும் இவர்களுக்கு அவமதிப்பு ஏற்பட்டால் அதை மனதில் நீண்ட நாட்கள் வைத்துக் கொள்வார்கள்.

எந்த விஷயத்திலும் முன்னிலையில் இருக்க விரும்பும் இவர்கள், தங்களின் கருத்தை வெளிப்படையாக சொல்ல தயங்க மாட்டார்கள்.

நம்பர் 8

8, 17, 26 தேதிகளில் பிறந்தவர்கள் நம்பர் 8 ஆகக் கருதப்படுகிறார்கள். இந்த எண்ணிற்கு சனி பகவானின் தாக்கம் இருப்பதாக எண்ணியல் கூறுகிறது.

இவர்கள் கடின உழைப்பாளிகள் மற்றும் பொறுப்புணர்வு மிகுந்தவர்களாக இருப்பார்கள். அமைதியாக இருப்பது இவர்களின் இயல்பு. ஆனால் ஒருமுறை மனம் புண்பட்டால் அதை எளிதில் மறக்க மாட்டார்கள்.

சில நேரங்களில் வெளியில் எதையும் காட்டாமல் இருந்தாலும், உள்ளுக்குள் நடந்த விஷயங்களை நீண்ட காலம் நினைவில் வைத்திருப்பார்கள்.

நம்பர் 9

9, 18, 27 ஆகிய தேதிகளில் பிறந்தவர்கள் நம்பர் 9 ஆகக் கருதப்படுகிறார்கள். செவ்வாய் கிரகத்தின் ஆற்றல் இவர்களுக்கு தைரியம் மற்றும் உற்சாகத்தை அளிக்கும்.

இவர்கள் மிகவும் நேர்மையானவர்களாகவும் உணர்ச்சிவசப்படக்கூடியவர்களாகவும் இருப்பார்கள். யாராவது அவமதித்தால் உடனடியாக எதிர்த்து பேசுவார்கள். தவறான வார்த்தைகளை எளிதில் சகிக்க மாட்டார்கள்.

தங்களின் சுயமரியாதைக்கு முக்கியத்துவம் கொடுக்கும் இவர்களுடன் பேசும்போது கவனமாக இருக்க வேண்டும் என்று எண்ணியல் நிபுணர்கள் கூறுகின்றனர்.