SBI எச்சரிக்கை: PPO மோசடியில் சிக்காமல் வாடிக்கையாளர்கள் கவனமாக இருங்கள்!

ஸ்டேட் பேங்க் ஆஃப் இந்தியா (SBI) தனது வாடிக்கையாளர்களுக்கு முக்கியமான எச்சரிக்கை ஒன்றை வெளியிட்டுள்ளது. தற்போது புதிய வகை PPO (Pension Payment Order) மோசடி நடைபெற்று வருவதால் வாடிக்கையாளர்கள் மிகுந்த கவனத்துடன் இருக்க வேண்டும் என்று வங்கி அறிவித்துள்ளது.

இந்த மோசடியில், வாடிக்கையாளர்களின் வங்கி கணக்குடன் இணைக்கப்பட்டுள்ள மொபைல் எண்ணை மாற்ற வற்புறுத்தும் வகையில் SMS, WhatsApp, அல்லது போன் கால் அனுப்பப்படுகிறது.

மோசடிக்காரர்கள் பயன்படுத்தும் உத்திகள்:

• “உங்களின் PPO விரைவாக செயல்படுத்த லிங்கை கிளிக் செய்யவும்”

• “பென்ஷன் வெரிஃபிகேஷன் நிலுவையில் உள்ளது. உடனே நடவடிக்கை எடுக்காவிட்டால் பென்ஷன் நிறுத்தப்படும்”

இவ்வாறு கூறி லிங்குகளை அனுப்பி, வாடிக்கையாளர்களின் OTP, PIN, அல்லது கடவுச்சொல் போன்ற தகவல்களைப் பெற்று, அக்கவுண்டிலிருந்து பணத்தை திருடுகின்றனர்.

SBI வங்கியின் எச்சரிக்கை:

• PPO சரிபார்ப்பு எப்போதும் போன், SMS, லிங்க் அல்லது ATM வழியாக செய்யப்படாது.

• உங்கள் User ID, Password, ATM PIN, OTP போன்ற தகவல்களை ஒருபோதும் யாரிடமும் பகிர வேண்டாம்.

• வங்கி அப்ளிகேஷன்களை Google Play Store அல்லது App Store மூலமாக மட்டுமே டவுன்லோடு/அப்டேட் செய்ய வேண்டும்.

• சந்தேகங்கள் இருந்தால் அருகிலுள்ள வங்கி கிளைக்கு செல்லவும் அல்லது 1800 1234 / 1800 2100 என்ற எண்களை தொடர்பு கொள்ளவும்.

• மோசடிகள் குறித்த புகார்களை 1930 என்ற சைபர் கிரைம் ஹெல்ப்லைனுக்கு தெரிவிக்கலாம் அல்லது cybercrime.gov.inல் ஆன்லைனில் பதிவு செய்யலாம்.

• சந்தேகமான SMS/WhatsApp லிங்குகளை ஒருபோதும் கிளிக் செய்ய வேண்டாம்.