தமிழகத்தில் கனமழை எச்சரிக்கை: சென்னை உள்பட பல மாவட்டங்களில் மழை வாய்ப்பு – முழு விவரம் இங்கே!

தமிழகத்தில் அடுத்த ஏழு நாட்களுக்கு வானிலை ஆய்வு மையம் மழை தொடர்பான முன்னறிவிப்பை வெளியிட்டுள்ளது. தற்போது, தமிழகத்தின் மீது வளிமண்டல கீழடுக்கு சுழற்சி நிலவுவதாகவும், வரும் ஆகஸ்ட் 25-ம் தேதி ஒடிசா – மேற்கு வங்காள கடலோரத்திற்கு அருகிலுள்ள வடமேற்கு வங்கக் கடலில் புதிய காற்றழுத்த தாழ்வு உருவாக வாய்ப்பு உள்ளதாகவும் அறிவிக்கப்பட்டுள்ளது.

இன்று (ஆகஸ்ட் 22) மழை நிலவரம்

• தமிழகத்தின் சில இடங்களில், புதுச்சேரி மற்றும் காரைக்கால் பகுதிகளில் இடி, மின்னலுடன் கூடிய லேசானது முதல் மிதமான மழை பெய்ய வாய்ப்பு.

• தர்மபுரி, சேலம், திருப்பத்தூர், வேலூர், ராணிபேட்டை, திருவண்ணாமலை, கள்ளக்குறிச்சி, விழுப்புரம், செங்கல்பட்டு, காஞ்சிபுரம் மாவட்டங்கள் மற்றும் புதுவையில் சில இடங்களில் கனமழை பெய்யும் என்று சென்னை வானிலை ஆய்வு மையம் அறிவித்துள்ளது.

நாளை (ஆகஸ்ட் 23) மழை நிலவரம்

• தமிழகத்தின் சில இடங்களில், புதுவை மற்றும் காரைக்காலில் இடி, மின்னலுடன் கூடிய லேசானது முதல் மிதமான மழை பெய்ய வாய்ப்பு.

• மயிலாடுதுறை, நாகப்பட்டினம், திருவாரூர், கடலூர், தஞ்சாவூர், புதுக்கோட்டை, சிவகங்கை, ராமநாதபுரம் மாவட்டங்கள் மற்றும் காரைக்காலில் ஓரிரு இடங்களில் கனமழை பெய்யக்கூடும் என எச்சரிக்கப்பட்டுள்ளது.

ஆகஸ்ட் 24 – ஆகஸ்ட் 28 வரை

தமிழகம் முழுவதும் சில இடங்களிலும், புதுச்சேரி மற்றும் காரைக்காலிலும் லேசானது முதல் மிதமான மழை பெய்யக்கூடும்.

சென்னை வானிலை

• இன்று சென்னை வானம் மேகமூட்டத்துடன் காணப்படும்.

• நகரின் சில பகுதிகளில் இடி, மின்னலுடன் கூடிய லேசானது முதல் மிதமான மழை பெய்யும்.

• நாளையும் (ஆகஸ்ட் 23) அதே நிலை தொடரும்.

நேற்று – இன்று மழை அளவு

• ஒக்கியம் துரைப்பாக்கம் (15வது மண்டலம்) – 119.4 மிமீ

• ஈஞ்சம்பாக்கம் (15வது மண்டலம்) – 106.5 மிமீ

• ராஜா அண்ணாமலைபுரம் (13வது மண்டலம்) – 105.9 மிமீ