வணிகம்
40 வயதில் தொடங்கினாலும், மாதம் ரூ.1 லட்சம் பென்ஷன் பெறலாம் – NPS திட்டத்தின் அசத்தும் பலன்கள்!
தேசிய ஓய்வூதிய திட்டம் (NPS), ஓய்வுக்குப் பிறகு நிதி சுதந்திரத்தை பெற மிகச் சிறந்த திட்டமாக கருதப்படுகிறது. இதன் மூலம், 40 வயதில் முதலீட்டை தொடங்கினாலும், மாதம் ரூ.1 லட்சம் வரையிலான ஓய்வூதியத்தை வாழ்நாள் முழுவதும் பெற முடியும்.
40வது வயதில் முதலீடு செய்யும் திட்டம்:
பல நடுத்தர வர்க்கத்தை சேர்ந்தவர்களுக்கு ஓய்வூதியத் திட்டமிடல் தவறுவதற்கான முக்கிய காரணம் – விழிப்புணர்வின் பற்றாக்குறை. ஆனால், 40வது வயதில் இருந்தே திட்டமிட்டு, தொடர்ந்து 20 ஆண்டுகள் முதலீடு செய்தால், பதட்டம் இல்லாமல் ஓய்வைக் கடக்கலாம்.
NPS-ல் மாதம் ரூ.20,000 முதலீடு செய்தால்:
வயது: 40
முதலீட்டு காலம்: 20 ஆண்டுகள்
மாத முதலீடு: ரூ.20,000
முதலீடு ஆண்டுக்கு 10% வீதத்தில் அதிகரித்தால்
மொத்த முதலீடு: ரூ.1.37 கோடி
மொத்த கார்பஸ் (10% ஆண்டு வருமானத்துடன்): ரூ.3.23 கோடி
ஓய்வூதியத் திட்டம் & வருமானம்:
மொத்த கார்பஸில் 55% (ரூ.1.61 கோடி) அனுயிட்டி திட்டத்தில் முதலீடு செய்யப்படும்.
வட்டி விகிதம்: 8%
மாத ஓய்வூதியம்: ரூ.1,07,636
இது மாதம் ரூ.1 லட்சம் வரையிலான நிச்சயமான ஓய்வூதியமாக கையளிக்கப்படும்.
வருமான வரி சலுகையும் உண்டு:
ஆண்டுக்கு ரூ.1.5 லட்சம் வரை 80C பிரிவின் கீழ் வரிவிலக்கு
கூடுதலாக, 80CCD(1B) பிரிவின் கீழ் ரூ.50,000 வரை வரிவிலக்கு
