ஜூன் 1 முதல் மாற்றம் காணும் முக்கிய விஷயங்கள் – LPG, EPFO, ஆதார், கிரெடிட் கார்டு, ஊதியக்குழு அப்டேட்!

ஜூன் 1 முதல் அமலுக்கு வரும் முக்கிய மாற்றங்கள்: LPG விலை, ஆதார், EPFO, கிரெடிட் கார்டு, ஊதியக்குழு அப்டேட்!

ஜூன் மாதம் தொடங்குவதையொட்டி பொதுமக்களின் நிதி திட்டமிடலில் முக்கிய தாக்கத்தை ஏற்படுத்தக்கூடிய பல சட்ட, விலை மற்றும் செயல்முறை மாற்றங்கள் நடைபெற இருக்கின்றன. இதனால் உங்கள் தினசரி வாழ்க்கை, செலவுகள் மற்றும் சேமிப்புகள் தாக்கம் அடையக்கூடும். கீழே ஜூன் 2025-ல் ஏற்பட உள்ள முக்கிய மாற்றங்கள் பற்றிய முழுமையான விவரங்கள்:

🟠 1. கிரெடிட் கார்டு – கட்டண விதிமாற்றம்

ஜூன் 1 முதல், கோடக் மஹிந்திரா வங்கியின் கிரெடிட் கார்டு வைத்திருப்பவர்களுக்கு ஆட்டோ டெபிட் தோல்வியடையும் போது 2% வரை அதிக கட்டணம் வசூலிக்கப்படும். மேலும், கிரெடிட் கார்டை பயன்பாட்டு பில் அல்லது எரிபொருள் செலுத்த பயன்படுத்தும் போது கூடுதல் கட்டணம் விதிக்கப்படும்.

🟠 2. EPFO 3.0 – புதிய பிஎப் சேவைகள்

ஊழியர் வருங்கால வைப்பி நிதி அமைப்பு (EPFO) தனது புதிய பதிப்பான EPFO 3.0-ஐ ஜூன் 1 முதல் அறிமுகப்படுத்தலாம். இதன் மூலம்:

• PF பணத்தை நேரடியாக ATM மூலம் எடுக்கலாம்

• க்ளெயம், அப்டேட் போன்றவை மேலும் எளிமைப்படுத்தப்படும்
  EPF ATM அட்டை மூலமாக நேரடி பணப் பரிவர்த்தனை சாத்தியமாகும்.

🟠 3. எல்பிஜி சிலிண்டர் விலை மாற்றம்

ஒவ்வொரு மாதமும் போல, ஜூன் மாதத்திலும் வீட்டு மற்றும் வணிக எல்பிஜி சிலிண்டர் விலைகள் மாற்றப்படும்.

• மே மாதத்தில் வீட்டு சிலிண்டர் விலை மாறவில்லை

• வணிக சிலிண்டர் விலை ரூ.17 உயர்ந்தது
  ஜூன் 1ல் புதிய விலை அறிவிக்கப்படும் என எதிர்பார்க்கப்படுகிறது.

🟠 4. CNG விலை திருத்தம்

மே மாதத்தில் CNG விலை ரூ.5 வரை உயர்ந்தது. ஜூன் மாதத்தில் மீண்டும் விலை மாற்றம் ஏற்படும் வாய்ப்பு உள்ளது. அதேபோல், PNG (பைப்லைன் எரிவாயு) மற்றும் ATF (விமான எரிபொருள்) விலைகளும் மாறக்கூடும்.

🟠 5. ஆதார் அட்டைப் புதுப்பிப்பு கட்டணம்

ஆன்லைனில் ஆதார் அப்டேட் இலவசமாக செய்ய முடியும் என்பது ஜூன் 14, 2025 வரை மட்டுமே.
அதற்குப் பிறகு:

• ஆன்லைன் அப்டேட் செய்ய ₹50 கட்டணம்

• ஆதார் மையத்தில் அப்டேட் செய்ய ₹100 செலுத்த வேண்டும்
  பிறந்த தேதி, முகவரி, பெயர் மாற்றங்களுக்கு இந்த கட்டணங்கள் பொருந்தும்.

🟠 6. நிலையான வைப்புத் தொகை (FD) வட்டி மாற்றம்

ஜூன் 6, 2025 அன்று நடைபெறும் RBI நாணயக் கொள்கைக் கூட்டம் மூலம் ரெப்போ விகிதத்தில் மாற்றம் ஏற்படலாம்.

• ரெப்போ விகிதம் குறையும்பட்சத்தில் FD வட்டியும் குறையக்கூடும்

• SBI, HDFC, Axis வங்கி உள்ளிட்டவை ஏற்கனவே வட்டி விகிதங்களை குறைத்துள்ளன.

🟠 7. 8வது ஊதியக்குழு அப்டேட்

மத்திய அரசு ஊழியர்களுக்கான 8வது ஊதியக்குழு தொடர்பான முக்கிய அப்டேட்கள் ஜூன் மாதத்தில் வெளிவரும் என எதிர்பார்க்கப்படுகிறது.

• குழு உறுப்பினர்கள் நியமிக்கப்படலாம்

• ஊதிய உயர்வு, ஓய்வூதிய பரிந்துரை, ஃபிட்மெண்ட் ஃபாக்டர் போன்றவை அறிக்கை வடிவத்தில் வரும்.