வணிகம்
புதிய ரூ.20 நோட்டுகள் விரைவில்: ஆளுநர் கையொப்பத்தில் மாற்றம் – பழைய நோட்டுகள் தொடர்ந்து செல்லும்!
Published
1 வருடம் agoon
By
Poovizhi
புதிய ரூ.20 நோட்டுகள் வரவிருப்பு – ஆளுநர் கையொப்பத்தில் மட்டுமே மாற்றம்! பழைய நோட்டுகள் தொடர்ந்து செல்லும்
இந்திய ரிசர்வ் வங்கி (RBI) புதிதாக ரூ.20 மதிப்புள்ள காகித நாணயங்களை வெளியிட உள்ளதாக அறிவித்துள்ளது. இந்த புதிய நோட்டுகளில் மாற்றம் என்பது ஒரே ஒரு அம்சத்தில் தான் – புதிய ஆளுநர் சஞ்சய் மல்ஹோத்ராவின் கையொப்பம் இடம்பெறும்.
சஞ்சய் மல்ஹோத்ரா, டிசம்பர் 11, 2024 அன்று ரிசர்வ் வங்கியின் ஆளுநராக பொறுப்பேற்றிருந்தார். தற்போது அவர் கையொப்பமிட்டுள்ள ரூ.20 நோட்டுகள் விரைவில் புழக்கத்திற்கு வரவிருக்கின்றன.
பழைய ரூ.20 நோட்டுகளிலும் எல்லோரா குகைகளின் படம் பச்சை மற்றும் மஞ்சள் கலவையான பின்னணியில் காணப்படும். அதேபோல், புதிய ரூ.20 நோட்டுகளிலும் வடிவமைப்பில் எந்த மாற்றமும் இல்லை. புதிய நோட்டில் இடம்பெறும் ஒரே வித்தியாசம் ஆளுநரின் கையொப்பமே ஆகும்.
ரிசர்வ் வங்கி சட்டத்தின் பிரிவு 26(2)ன் படி, RBI வெளியிடும் அனைத்து நோட்டுகளும் சட்டப்பூர்வ புழக்கத்திற்குரியவை. எனவே பழைய ரூ.20 நோட்டுகள் செல்லாது என்று கூற முடியாது; அவை தொடர்ந்து புழக்கத்தில் இருக்கும்.
இந்திய ரூபாய் நோட்டுகள் நாசிக், தேவாஸ், மைசூர் மற்றும் சல்போனி ஆகிய நான்கு முக்கிய அச்சிடும் நிலையங்களில் தயாரிக்கப்படுகின்றன. இந்த நாணயங்கள் மும்பை, நொய்டா, ஹைதராபாத் மற்றும் கொல்கத்தாவில் உள்ள நாணயச் சாலைகளில் தயாரிக்கப்படும்.
புதிய ரூ.20 நோட்டுகள் விரைவில் சந்தையில் வரவுள்ளன. மக்கள் பழைய நோட்டுகள் செல்லாது போகும் எனக் கவலைப்பட தேவையில்லை என்று RBI உறுதி அளித்துள்ளது.
J. Poovizhi is the Senior Sub Editor at BhoomiToday.com, with a B.A. in English from Thiruvalluvar University. She brings extensive expertise in Employment News, Astrology, and Devotional Content, delivering insightful and well-researched articles to readers. With a keen eye for detail and a passion for diverse subjects, Poovizhi ensures content quality that resonates with a wide audience.
