வணிகம்
புதிய 20 ரூபாய் நோட்டு வெளியீடு: பழைய நோட்டுகள் செல்லுபடியாகுமா?
புதிய 20 ரூபாய் நோட்டுகள் புழக்கத்திற்கு! பழைய நோட்டுகள் செல்லுபடியாகுமா?
இந்திய ரிசர்வ் வங்கி (RBI) புதிய 20 ரூபாய் நோட்டுகளை புழக்கத்திற்கு வெளியிடும் திட்டத்தில் ஈடுபட்டுள்ளது. புதிய நோட்டுகள் விரைவில் மக்களிடம் வரப்போகின்றன. இது தொடர்பான அறிவிப்பை தற்போதைய ரிசர்வ் வங்கி ஆளுநர் சஞ்சய் மல்ஹோத்ரா வெளியிட்டுள்ளார்.
புதிய 20 ரூபாய் நோட்டுகளில் முக்கியமான மாற்றம், ஆளுநர் சஞ்சய் மல்ஹோத்ராவின் கையொப்பம் மட்டுமே. இதனைத் தவிர, நோட்டின் வடிவமைப்பு, நிறம் மற்றும் அளவு பழைய நோட்டுகளுடன் ஒன்றுபட்டே இருக்கும். எனவே பொதுமக்களுக்கு எந்தவிதமான குழப்பமும் ஏற்படாது.
அத்துடன், தற்போது புழக்கத்தில் உள்ள பழைய 20 ரூபாய் நோட்டுகள் தொடர்ந்தும் செல்லுபடியாகும் மற்றும் பரிவர்த்தனைகளுக்கு சட்டபூர்வமாக இருக்கும் என ரிசர்வ் வங்கி உறுதி செய்துள்ளது.
இந்தியாவில் ரூபாய் நோட்டுகள் நான்கு முக்கிய அச்சிடும் மையங்களில் தயாரிக்கப்படுகின்றன. இதில் இரண்டு மையங்கள் மத்திய அரசின் கீழ் செயல்படுகின்றன — மைசூரு (தென் இந்தியா) மற்றும் சல்போனி (கிழக்கு இந்தியா). மற்ற இரண்டு மையங்கள் ரிசர்வ் வங்கியின் கீழ் — நாசிக் (மேற்கு இந்தியா) மற்றும் தேவாஸ் (மத்திய இந்தியா) — செயல்படுகின்றன.
இந்த நடைமுறை, ஆளுநர் மாற்றத்தின் போது ரிசர்வ் வங்கி எடுத்துவரும் வழக்கமான பாதுகாப்பு நடவடிக்கை ஆகும். இது நாணயத்தின் நம்பகத்தன்மையை நிலைநாட்டும் முக்கிய முயற்சியாகும்.
