அரசு ஊழியர்கள் ஆசிரியர்கள் ஆகியோருக்கு 110 விதியின் கீழ் 9 அதிரடி அறிவிப்புக்களை வெளியிட்டார் தமிழ்நாடு முதலமைச்சர். மு.க.ஸ்டாலின்.

அரசு ஊழியர்கள் ஆசிரியர்கள் ஆகியோருக்கு 110 விதியின் கீழ் 9 அதிரடி அறிவிப்புக்களை வெளியிட்டார் தமிழ்நாடு முதலமைச்சர். மு.க.ஸ்டாலின்.
1. அரசு ஊழியர்கள் ஆசிரியர்கள் 8 இலட்சம் பேர் மற்றும் ஓய்வூதியதாரர்கள் 4 இலட்சம் பேர் பயனடையும் வகையில் 2% அகவிலைப்படி உயர்த்தி ஆணையிடப்பட்டுள்ளது. இந்த தொகை 2025 ஜனவரி 1 முதல் நிலுவைத் தொகையுடன் வழங்கப்படும்.
2.அரசு பணியாளர்கள் தங்களது பணிக்காலத்தில் திருமணம் செய்யும்போது ஏற்படும் செலவினங்களை சமாளிக்க முன் பணமாக ரூ. 5 இலட்சம் வழங்கப்படும்.
3.அரசு பணியாளர்களின் மகனோ மகளோ தொழிற்கல்வி படிக்க முன் பணமாக ரூ.1 இலட்சம் வழங்கப்படும். கலை, அறிவியல், பாலிடெக்னிக் படிக்க முன் பணமாக ரூ.50 ஆயிரம் வழங்கப்படும்.
4.அரசு ஊழியர்கள் மற்றும் ஆசிரியர்கள் ஆகியோரின் நீண்ட கால கோரிக்கையான பழைய ஓய்வூதிய திட்டம், பங்களிப்பு ஓய்வூதிய திட்டம், ஒருங்கிணைந்த ஓய்வூதிய திட்டம் ஆகியவை தொடர்பாக அமைக்கப்பட்ட ஆய்வுக்குழு செப்டம்பர் 2025 ல் தனது அறிக்கையை அரசிடம் அளித்த உடன் உரிய நடவடிக்கை.
5.கொரோனா பெருந்தொற்று காலத்தில் நிறுத்தி வைக்கப்பட்ட ஈட்டிய விடுப்பு சரண் சலுகை 2025 அக்டோபர் 1 முதல் மீண்டும் வழங்கப்படும். இதன்படி அக்டோபர் 1 முதல் 15 நாட்கள் ஈட்டிய விடுப்பை சரண் செய்து பணப்பலன் பெறலாம்.
6. அரசு ஊழியர்கள் மற்றும் ஆசிரியர்கள் பண்டிகை முன்பணம் ரூ.10 ஆயிரத்தில் இருந்து ரூ.20 ஆயிரமாக உயர்த்தி வழங்கப்படும்.
7.அரசு பணிபுரியும் பெண் பணியாளர்களுக்கு சம்பளத்துடன் கூடிய மகப்பேறு விடுப்பு ஒரு ஆண்டாக வழங்கப்பட்டு வருகிறது. தற்போதுள்ள விதிகளின்படி இந்த விடுப்புக் காலம் தகுதி காண் பருவம் கணக்கிடவும் பதவி உயர்வுக்கும் கணக்கில் எடுத்துக் கொள்ளப் படுவதில்லை. இதனால் பணிபுரியும் மகளிருக்கு ஏற்பட்டு வந்த பாதிப்புக்களை தடுக்கும் வகையில் இந்த மகப்பேறு விடுப்பு காலம் இனி தகுதி காண் பருவம் மற்றும் பதவி உயர்வு ஆகியவற்றிற்கு தகுதியுள்ள பணிக்காலமாக கணக்கில் எடுத்துக்கொள்ள ஆணையிட படுகிறது.
8. ஓய்வூதியம் பெறுபவர்கள் பண்டிகை முன்பணம் ரூ.4 ஆயிரத்தில் இருந்து ரூ.6 ஆயிரமாக உயர்த்தி வழங்கப்படும்.
9.ஓய்வூதியம் பெறுபவர்கள் பெறும் பொங்கல் கருணைத் தொகை ரூ.500 விருந்து ரூ.1000 ஆக உயர்த்தி வழங்கப்படும்.