இரும்புத்திரை 2வில் சமந்தாவுக்கு பதிலாக அஜித் பட நாயகி!

பி.எஸ். மித்ரன் இயக்கத்தில் கடந்த ஆண்டு வெளியான இரும்புத்திரை படம் நடிகர் விஷால் மற்றும் சமந்தாவுக்கு மிகப்பெரிய வெற்றிப் படமாக அமைந்தது. தொழில்நுட்பம் மற்றும் க்ரைம் கலந்த இந்த படத்தின் இரண்டாம் பாகத்திற்கான கதை உருவாகி உள்ளது. ஆனால், இதனை பி.எஸ். மித்ரன் இயக்கவில்லை. அவருக்கு பதிலாக இயக்குநர் எழிலிடம் உதவி இயக்குநராக பணிபுரிந்த ஆனந்த் இயக்குகிறார்.

இந்த படத்தில் விஷாலுக்கு ஜோடியாக சமந்தாவுக்கு பதிலாக ஸ்ரத்த ஸ்ரீநாத்தை நடிக்க ஒப்பந்தம் செய்துள்ளனர்.

விக்ரம் வேதா படத்தின் மூலம் தமிழ் சினிமாவுக்கு நாயகியாக அறிமுகமான ஸ்ரத்தா ஸ்ரீநாத், அஜித் நடிப்பில் விரைவில் வெளியாகவுள்ள நேர்கொண்ட பார்வை படத்தில் இந்தியில் டாப்ஸி நடித்த ரோலில் நடித்துள்ளார். அந்த படத்திற்கு பிறகு விஷாலுடன் இரும்புத்திரை படத்தில் ஜோடி சேர உள்ளார்.

சமீபத்தில் அருள்நிதியுடன் ஸ்ரத்தா நடித்த கே13 படம் சஸ்பென்ஸ் கலந்த த்ரில்லர் படமாக வெளிவந்து பாராட்டுக்களை அள்ளியது குறிப்பிடத்தக்கது.