12 ராசிக்காரர்களுக்கு அதிர்ஷ்டம் தரும் கும்பகோணத்தின் 12 பரிகார கோவில்கள்!

கும்பகோணம், கோயில்களின் நகரம் என்றே அழைக்கப்படும் பிரதேசமாக திகழ்கிறது. இந்த நகரத்தில் அமைந்துள்ள பல ஆலயங்கள் பக்தர்களின் தோஷங்களை நீக்கி வாழ்வில் நல்லதொரு மாற்றத்தை ஏற்படுத்துகின்றன. குறிப்பாக, 12 ராசிக்காரர்களுக்கேற்ப பிரத்தியேக பரிகாரங்களை வழங்கும் கோவில்கள் கும்பகோணத்தில் உள்ளன.

இந்த கோவில்களில் பக்தர்கள் வழிபாடு செய்தால், அவர்களது ஜாதக தோஷங்கள் விலகி, வாழ்வில் சகல நலன்களும் கிடைக்கும் என ஐதீகம். 12 ராசிகளுக்கு ஏற்ற பரிகார கோவில்கள் மற்றும் அவற்றின் சிறப்பம்சங்கள் பற்றிய விவரங்கள் இதோ:

மேஷம்:

வரதராஜ பெருமாள் ஆலயம் – கீழ கொருக்கையில் அமைந்துள்ள இந்த ஆலயத்தில் சனிக்கிழமை வழிபாடு செய்து செல்வம், ஆரோக்கியம் பெறலாம்.
வழிபாட்டு நேரம்: காலை 6 மணி முதல் மதியம் 12 மணி வரை, மாலை 4 மணி முதல் இரவு 8 மணி வரை.

ரிஷபம்:

சாரங்கபாணி ஆலயம் – சித்திரை மாதத்தில் நடைபெறும் தேர் திருவிழா இங்கு பிரசித்தி பெற்றது. சந்தான கிருஷ்ணாவை வழிபட்டு நினைத்த காரியம் நிறைவேற்றலாம்.
வழிபாட்டு நேரம்: காலை 7 மணி முதல் 12 மணி வரை, மாலை 5 மணி முதல் 9 மணி வரை.

மிதுனம்:

சக்கரபாணி ஆலயம் – குழந்தை பாக்கியம், திருமண தடை நீக்க சகல தோஷங்கள் விலக வழிபாடு செய்ய சிறந்த இடம்.
வழிபாட்டு நேரம்: காலை 6 மணி முதல் 12 மணி வரை, மாலை 4 மணி முதல் 9 மணி வரை.

கடகம்:

காளஹஸ்தீஸ்வரர் கோயில் – ஜூரஹரேஸ்வரரை வழிபடுதல் மூலம் உடல் மற்றும் நரம்பு சம்பந்தமான நோய்கள் விலகும்.
வழிபாட்டு நேரம்: காலை 6 மணி முதல் 12 மணி வரை, மாலை 4:30 மணி முதல் இரவு 8 மணி வரை.

சிம்மம்:

பாணபுரீஸ்வரர் (வியாசலிங்கம்) திருக்கோவில் – சோர்வு நீங்கி சுறுசுறுப்புடன் செயல்பட அம்பாளை வழிபடலாம்.
வழிபாட்டு நேரம்: காலை 6 மணி முதல் 12:30 மணி வரை, மாலை 4 மணி முதல் 8 மணி வரை.

கன்னி:

காசி விஸ்வநாதர் கோயில் – பெண்களுக்கு திருமணத் தடை மற்றும் புத்திர பாக்கியம் அடைய சிறந்த இடம்.
வழிபாட்டு நேரம்: காலை 6 மணி முதல் 12:30 மணி வரை, மாலை 4 மணி முதல் 8 மணி வரை.

துலாம்:

அபிமுகேஸ்வரர் கோவில் – நெல்லிக்காய் மரத்துடன் கூடிய இந்த ஆலயத்தில் நோய் தீர்க்கும் சக்தி உள்ளது.
வழிபாட்டு நேரம்: காலை 6 மணி முதல் 12 மணி வரை, மாலை 4:30 மணி முதல் 8 மணி வரை.

விருச்சிகம்:

கௌதமேஸ்வரர் கோவில் – பயத்திலிருந்து விடுபட பைரவருக்கு பூஜை செய்ய சிறந்த இடம்.
வழிபாட்டு நேரம்: காலை 6 மணி முதல் 12 மணி வரை, மாலை 4 மணி முதல் 8 மணி வரை.

தனுசு:

நாகேஸ்வரர் கோவில் – ராகு கால பூஜையால் சகல நோய்களும் நீங்கும்.
வழிபாட்டு நேரம்: காலை 6 மணி முதல் 12 மணி வரை, மாலை 4:30 மணி முதல் 8 மணி வரை.

மகரம்:

சோமேஸ்வரர் கோவில் – திருமணத் தடை நீங்க தொடர்ந்து 11 திங்கட்கிழமைகள் வழிபாடு செய்யலாம்.
வழிபாட்டு நேரம்: காலை 6 மணி முதல் 12:30 மணி வரை, மாலை 4 மணி முதல் 8:30 மணி வரை.

கும்பம்:

கும்பேஸ்வரர் கோவில் – கல்வி, தொழில், குழந்தை பாக்கியம் அடைய வழிபாடு செய்ய உகந்த இடம்.
வழிபாட்டு நேரம்: காலை 6 மணி முதல் 12:30 மணி வரை, மாலை 4 மணி முதல் 9:30 மணி வரை.

மீனம்:

பிரம்மன் வேத நாராயண பெருமாள் கோவில் – கடன் தொல்லை மற்றும் தொழில் மேன்மை அடைய வழிபாடு செய்யலாம்.
வழிபாட்டு நேரம்: காலை 6 மணி முதல் 12 மணி வரை, மாலை 4 மணி முதல் 8 மணி வரை.