முகேஷ் அம்பானியைப் முந்தி ஆசியாவின் டாப் பணக்காரரான சீனர்!

ஆசியாவின் டாப் பணக்காரராக இருந்த ரிலையன்ஸ் நிறுவனத் தலைவர் முகேஷ் அம்பானியை, அந்த இடத்திலிருந்து பின்னுக்குத் தள்ளியிருக்கிறார் சீனரான ஸாங் ஷான்ஷான். 66 வயதாகும் ஷான்ஷானின் மொத்த சொத்து மதிப்பு 77.8 பில்லியன் டாலர் என்று மதிப்பிடப்பட்டுள்ளது. அம்பானியின் சொத்து மதிப்பு 76.9 மில்லியன் டாலர் எனத் தகவல் சொல்லப்படுகிறது.

இந்த ஆண்டு முகேஷ் அம்பானியின் சொத்து மதிப்பும் ஆச்சிரயப்படும் அளவுக்கு மும்மடங்க உயர்ந்தது. தனது ரிலையன்ஸ் இன்டஸ்டிரீஸ் நிறுவனத்தை தொழில்நுட்பம் மற்றும் இணைய வர்த்தக நிறுவனமாக மாற்ற அம்பானி செய்த ஒப்பந்தங்கள் மற்றும் நடவடிக்கையால் அவர் சொத்து மதிப்பு உயர்ந்தது. அதே நேரத்தில் தற்போது, தான் உறுதியளித்த அந்த டிஜிட்டல் பரிமாற்றத்தால் அம்பானி அழுத்ததத்தில் இருப்பதாக தெரிகிறது. இந்த இடைவெளியில்தான் ஸாங், ஆசியாவின் பெரும் செல்வந்தராக உருவெடுத்துள்ளார்.

இந்த ஆண்டு ஏப்ரல் மாதம் ஸாங், பீஜிங் வான்டாய் என்னும் மருந்து நிறுவனத்தை வாங்கினார். அதைத் தொடர்ந்து தண்ணீர் புட்டிகளை தயாரிக்கும் நோங்ஃபு ஸ்பிரிங் என்னும் நிறுவனத்தையும் கைப்பற்றினார் ஸாங். இந்த இரண்டு நிறுவனங்களில் சந்தை மதிப்பு உயர்ந்ததன் விளைவாகவே ஸாங், தற்போது பெரும் செல்ந்தர் என்கிற பெருமையைப் பெற்றுள்ளார்.