சினிமா செய்திகள்
’பீஸ்ட்’ ஆடியோ லாஞ்ச், டீசர் இல்லை: சன் பிக்சர்ஸ் மீது கடுப்பில் இருக்கும் விஜய் ரசிகர்கள்
நடிகர் விஜய் நடிக்கும் ஒவ்வொரு திரைப்படத்தின் ஆடியோ லான்ச் பிரம்மாண்டமாக நடத்தப்படும் என்பதும் இந்த ஆடியோ லாஞ்ச்சில் விஜய்யின் சுவராசியமான பேச்சைக் கேட்பதற்கு அவரது கோடிக்கணக்கான ரசிகர்கள் மிகுந்த ஆவலுடன் காத்திருப்பார்கள் என்பதும் குறிப்பிடத்தக்கது.
இந்த நிலையில் விஜய் நடித்து முடித்துள்ள ’பீஸ்ட்’ படத்தின் ஆடியோ லான்ச் அதே போல் நடக்கும் என்று விஜய் ரசிகர்கள் காத்திருந்த நிலையில் இரண்டே இரண்டு பாடல்கள் மட்டும்தான் படத்தில் உள்ளன, அதற்காக ஆடியோ லாஞ்ச் வேண்டாம் என சன் பிக்சர்ஸ் மறுத்துவிட்டதாக கூறப்படுகிறது.
அதேபோல் ’பீஸ்ட்’ படத்தின் டீசரும் வெளியிடவேண்டாம் என்றும் படம் வெளியாவதற்கு 10 நாள்களுக்கு முன்பு டிரைலர் மட்டும் வெளியிட்டால் போதும் என்றும் சன் பிக்சர்ஸ் நிறுவனம் முடிவு செய்திருப்பதாக கூறப்படுகிறது. இதனால் விஜய் ரசிகர்கள் சன் பிக்சர்ஸ் மீது கடும் அதிருப்தியில் இருப்பதாக தெரிகிறது.
இருப்பினும் ’பீஸ்ட்’ படத்தின் டிரெய்லரை துபாயில் வெளியிட படக்குழு முடிவு செய்திருப்பதாகவும் இதன் காரணமாக உலகம் முழுவதும் இந்த படத்திற்கு நல்ல விளம்பரம் கிடைக்கும் என்றும் கூறப்படுகிறது.