UPS புதிய திட்டம்: 20 வருட சேவைக்குப் பிறகும் ஓய்வூதிய நன்மைகள் – மத்திய அரசு அறிவிப்பு!

UPS (Unified Pension Scheme) 2025 – ஓய்வூதியர்களுக்கு பெரிய சலுகை

மத்திய அரசு ஊழியர்களுக்காக ஒரு முக்கிய அறிவிப்பை வெளியிட்டுள்ளது. Unified Pension Scheme (UPS) எனப்படும் புதிய திட்டம் 2025 ஏப்ரல் 1 முதல் அமலுக்கு வந்துள்ளது. இந்த திட்டத்தின் மூலம், ஊழியர்கள் 20 வருட சேவையை நிறைவு செய்த பிறகே ஓய்வு பெற்றாலும், முழுமையான ஓய்வூதிய நன்மைகளைப் பெற முடியும்.

UPS திட்டத்தின் முக்கிய அம்சங்கள்:

• ஓய்வு பெறும் தேதிக்கு 1 வருடம் முன்பு அல்லது VRS எடுக்கும் 3 மாதங்களுக்கு முன்பு NPS-லிருந்து UPS-க்கு மாற வாய்ப்பு வழங்கப்பட்டுள்ளது.

• சேவையின் போது மரணம் அல்லது ஊனம் ஏற்பட்டால், ஊழியர் அல்லது அவரது குடும்பத்தினருக்கு கூடுதல் நன்மைகள் வழங்கப்படும்.

• பணி ஓய்வு தானாகவோ அல்லது வலுக்கட்டாயமாகவோ இருந்தாலும், முன்கூட்டிய பலன்கள் கிடைக்கும்.

• ஊழியர் பணியில் இருக்கும் போதே உடல் ஊனமுற்றால் அல்லது மரணமடைந்தால், குடும்பத்தினர் CCS ஓய்வூதிய விதிகள் அல்லது UPS விதிகளில் இருந்து விருப்பத்தைத் தேர்வு செய்யலாம்.

20 ஆண்டுகளில் ஓய்வு பெற்றாலும் சலுகை:
முன்னர் 25 ஆண்டு சேவை அவசியமாக இருந்த நிலையில், இனி 20 ஆண்டுகள் சேவையை முடித்தவுடன் ஓய்வு பெறும் ஊழியர்களும் UPS நன்மைகளைப் பெற முடியும். இது அரசு ஊழியர்களுக்கு மிகப்பெரிய நன்மையாக கருதப்படுகிறது.

நிலையான மற்றும் உத்தரவாத ஓய்வூதியம்:
NPS-க்கு மாற்றாக அறிமுகப்படுத்தப்பட்டுள்ள UPS திட்டத்தின் நோக்கம், ஊழியர்களுக்கு நிலையான மற்றும் உத்தரவாதமான ஓய்வூதியம் வழங்குவதாகும். இதனுடன், ஓய்வுபெறும் போது மொத்த தொகையும், பணிக்கொடையும் வழங்கப்படும்.