இந்தியா
இன்றைய தலைப்புச் செய்திகள் இதுவரை – 08.04.2026
- தமிழ்நாடு சட்டமன்ற தேர்தலில் தாக்கல் செய்யப்பட்ட வேட்பு மனுக்கள் நேற்றும் இன்றும் பரிசீலனை செய்யப்படுகின்றன. வேட்பு மனுக்களைத் திரும்பப் பெற நாளை கடைசி நாள். நாளை மாலை இறுதி வேட்பாளர் பட்டியல் வெளியிடப்படும். – தேர்தல் ஆணையம்.
- ஒருங்கிணைந்த 4 ஆண்டு B.Sc., B.Ed., B.A., B.Ed., படிப்புகள் 2026-27 கல்வியாண்டு முதல் நிறுத்தப்பட்டு விட்டது. கல்வியியல் கல்லூரிகள் இந்த 4 ஆண்டு ஒருங்கிணைந்த பட்டப் படிப்புகளில் மாணவர் சேர்க்கை மேற்கொண்டால் எந்த வித்த்திலும் தமிழ்நாடு ஆசிரியர் கல்வியியல் பல்கலை. பொறுப்பேற்காது என அறிவிப்பு.
- தொகுதி மறுவரையறை ஆபத்து… சர்வாதிகாரத்தை நோக்கி நகர்கிறதா இந்தியா?… 3 மாநிலத் தேர்தல்களுக்கு இடையே அவசர அவசரமாக நாடாளுமன்றச் சிறப்புக் கூட்டத் தொடரைக் கூட்டுவதற்கு என்ன அவசியம்? இது இங்கு வாழும் மக்களின் எதிர்காலம். – மு.க.ஸ்டாலின்.
- ஒரு நாகரீகமே அழியப் போகிறது என்ற ட்ரம்பின் கருத்துக்கு போப் லியோ எதிர்ப்பு. ஈரானின் மக்களுக்கு எதிரான இந்த மிரட்டலை முற்றுலும் ஏற்றுக் கொள்ள முடியாது என தெரிவித்தள்ளார். உலகம் முழுதும் உள்ள கத்தோலிக்க கிறித்தவர்களின் தலைமை மத குருவாக உள்ள போப் ட்ரம்ப் போன்ற சர்வதேச தலைவர்களின் கருத்தை விமர்சித்து பதிலளிப்பது மிகவும் அரிதான ஒன்றாகும்.
- இன்றைய தங்கம் விலை – கிராமுக்கு ரு.340 உயர்ந்த கிராம் ரூ.14200க்கும் சவரன் ரூ.113600க்கும் விற்பனை ஆகிறது.
- பணி ஓய்வு பெறும் ஆசிரியர்களை மே மாதம் நீட்டிக்க வேண்டாமென அரசாணை வெளியிட்டு 3 ஆண்டு தாமதத்திற்கு பிறகு தற்போது நடைமுறைக்கு வந்துள்ளது.
- திருப்பரங்குன்றம் தீபம் தொடர்பான நீதிமன்ற அவமதிப்பு வழக்குகளில் நீதிபதி ஜி.ஆர்.சுவாமிநாதன் பிறப்பித்த அனைத்து உத்தரவுகளுக்கும் இடைக்காலத் தடை விதித்து உயர்நீதிமன்ற இரு நீதிபதிகள் அமர்வு உத்தரவு.
- வங்கிகளுக்கான குறுகிய காலக் கடனுக்கான வட்டி விகிதம் ரெப்போ ரேட்டில் மாற்றமின்றி 5.25% ஆக நீடிக்கும் என ரிசர்வ் வங்கி ஆளுநர் சஞ்சய் மல்கோத்ரா அறிவிப்பு. வீடு வாகனக் கடனுக்கான வட்டியில் மாற்றம் ஏதும் இருக்க வாய்ப்பில்லை.
