Exam Result: இன்று 12 ஆம் வகுப்பு பொதுத்தேர்வு ரிசல்ட்.. எப்படி பார்க்கலாம்?

சென்னை: தமிழகத்தில் இந்த ஆண்டுக்கான 12ஆம் வகுப்பு பொதுத்தேர்வு முடிவுகள் இன்று (08/05/2025) வெளியிடப்படவுள்ளன. தேர்வு எழுதிய மாணவர்கள் தங்களது முடிவுகளைக் எப்படி தெரிந்துகொள்ளலாம் என பார்க்கலாம்.

12 ஆம் வகுப்புக்கான பொதுத்தேர்வு கடந்த மார்ச் 3ம் தேதி தொடங்கி 25ம் தேதி வரை நடைபெற்றது. இந்த தேர்வை தமிழ்நாடு முழுவதும் 8 லட்சத்து 21 ஆயிரம் மாணவ, மாணவிகள் எழுதினர். அவர்களின் விடைத்தாள்களை மதிப்பீடு செய்யும் பணி நிறைவடைந்துள்ளது. இந்நிலையில், இன்று காலை 9 மணிக்கு, 12 ஆம் வகுப்பு பொதுத்தேர்வு முடிவுகள் வெளியாகும் என்று பள்ளிக்கல்வித்துறை அறிவித்துள்ளது.

aதன்படி தமிழ்நாடு அரசுத் தேர்வுத்துறையின் அதிகாரப்பூர்வ இணையதளங்களான results.nic.in அல்லது tnresults.nic.in, www.dge.tn.gov.in ஆகிய பக்கங்களில் சென்று தங்களது பதிவெண் (Roll Number) மற்றும் பிறந்த தேதியைப் பதிவிட்டு முடிவுகளைக் காணலாம். மேலும், மாணவர்கள் தாங்கள் பயின்ற பள்ளிகளுக்கும் சென்று தங்களது தேர்வு முடிவுகளை அறிந்து கொள்ளலாம். இதனைதொடர்ந்து பள்ளிகளில் பதிவு செய்துள்ள மாணவர்களின் கைபேசி எண்ணிற்கு தேர்வு முடிவுகள் குறுஞ்செய்தியாக அனுப்பப்படும் என்றும் தெரிவிக்கப்பட்டுள்ளது.