தளபதி 63 மற்றும் தளபதி 64 குறித்த மாஸ் அப்டேட்கள்!

நடிகர் விஜய்யின் ஒரு பட அறிவிப்பு வெளிவந்தாலே அதனை சமூக வலைதளங்களில் ட்ரெண்டாக்கி கொண்டாட்டத்தை ஆரம்பித்துவிடும் அவரது ரசிகர்களுக்கு ஒரே நாளில் இரு பெரும் அறிவிப்பு வெளியாகி உள்ளன.

அட்லி இயக்கத்தில் விஜய், நயன்தாரா, இந்துஜா, கதிர் நடிப்பில் உருவாகி வரும் தளபதி 63 படத்தின் பாடல்கள் உரிமையை சோனி நிறுவனம் பெற்றுள்ளது.

ஏ.ஆர். ரஹ்மான் இசையில், ஆளப்போறான் தமிழனுக்கு டஃப் கொடுக்கும் அளவிற்கு மாஸ் ஓபனிங் பாடல் ஒன்று ரெடியாகிவிட்டது என அவரே ட்வீட் போட்டு ரசிகர்களை நேற்று முன் தினம் அதகளப்படுத்திய நிலையில், நேற்று இரவு இந்த அப்டேட் வெளியானது.

அடுத்த அப்டேட் என்னவென்றால், மாநகரம் படத்தை இயக்கிய லோகேஷ் கனகராஜ் இயக்கத்தில் தான் தளபதி 64 படம் உருவாகப்போகிறது என்ற அதிகாரப்பூர்வ அப்டேட் வெளியாகி உள்ளது.

மாநகரம் வெற்றியைத் தொடர்ந்து லோகேஷ் கனகராஜ் தற்போது கார்த்தியை வைத்து கைதி படத்தை இயக்கியுள்ளார். விரைவில் இந்த படம் ரிலீஸ் ஆகவுள்ளது. இந்நிலையில், விஜய்யின் 64வது படத்தை லோகேஷ் கனகராஜ் இயக்குவது உறுதியாகி உள்ளது. மேலும், இந்த படத்திற்கு அனிருத் இசையமைக்கவுள்ளார்.