விஜய்க்கு ஒரு மாஸ்டர், சிம்புவுக்கு ஒரு மாநாடு: வைரல் புகைப்படங்கள்

தளபதி விஜய் மாஸ்டர் திரைப்படத்தில் நடித்துக் கொண்டிருக்கும்போது படப்பிடிப்பு தளத்திற்கு வந்த ரசிகர்களுடன் எடுத்த செல்ஃபி உலகம் முழுவதும் மிகப்பெரிய அளவில் வைரலானது என்பது தெரிந்ததே.

இந்த நிலையில் அதே போல் சிம்புவின் மாநாடு படம் 100வது நாளை எட்டியுள்ள நிலையில் 100வது நாளில் திரையரங்கில் ரசிகர்களுடன் சிம்பு எடுத்த செல்பி புகைப்படம் மிகப்பெரிய அளவில் வைரலாகி வருகிறது.

சிம்பு நடித்த வெற்றிப் படங்களில் ஒன்று மாநாடு என்பதும் இந்த படம் கடந்த அக்டோபர் மாதம் வெளியாகி மிகப்பெரிய அளவில் வெற்றி பெற்றது என்பதும் தெரிந்தது. இந்த நிலையில் மாநாடு படம் வெளியாகி இன்றுடன் 100 நாள் ஆனதை அடுத்து சென்னை ரோகிணி திரையரங்கில் சிறப்பு காட்சிக்கு ஏற்பாடு செய்யப்பட்டிருந்தது.

இந்த காட்சியை ரசிகர்களுடன் பார்த்த சிம்பு இடைவேளையின்போது ரசிகர்களுடன் அவர் எடுத்துக் கொண்ட செல்ஃபி புகைப்படம் இணையதளத்தில் மிகப்பெரிய அளவில் வைரலாகி வருகிறது என்பது குறிப்பிடத்தக்கது. பல நெட்டிசன்கள் இந்த புகைப்படத்தை விஜய்யின் மாஸ்டர் செல்பி புகைப் படத்துடன் ஒப்பிட்டு பதிவு செய்து வருகின்றனர்.