சர்கார் வில்லிக்கு ஜெயலலிதாவின் பெயர்: மீண்டும் சர்ச்சை!

நடிகர் விஜய், ஏஆர் முருகதாஸ் இயக்கத்தில் நடித்த சர்கார் திரைப்படம் தீபாவளியை முன்னிட்டு நேற்று வெளியானது. சன் பிக்சர்ஸ் தயாரித்த இந்த படத்தில் வில்லியாக நடித்த வரலட்சுமி கதாபாத்திரத்திற்கு முன்னாள் முதல்வர் ஜெயலலிதாவின் இயற்பெயரை வைத்துள்ளது சர்ச்சையை ஏற்படுத்தியுள்ளது.

சர்கார் படத்தின் கதை திருடப்பட்ட கதை என பல சர்ச்சைகளின் மத்தியில் இந்த படம் நேற்று வெளியானது. இதில் கீர்த்தி சுரேஷ், வரலட்சுமி சரத்குமார், யோகி பாபு, ராதா ரவி உள்ளிட்ட பல்வேறு நடசத்திரங்கள் நடித்துள்ளனர். இந்த படத்தை ஏஆர் முருகதாஸ் இயக்கியுள்ளார். ஏற்கனவே இவர் விஜயை வைத்து கத்தி, துப்பாக்கி ஆகிய படங்களை இயக்கியுள்ளார்.

சன்பிக்சர்ஸ் தயாரித்துள்ள இந்த அரசியல் படத்தில், அரசியல் தலைவியாக வில்லி கதாபாத்திரத்தில் நடிகை வரலட்சுமி நடித்துள்ளார். இந்த கதாபாத்திரத்துக்கு கோமலவள்ளி என பெயரிடப்பட்டுள்ளது. இது மறைந்த முன்னாள் முதல்வர் ஜெயலலிதாவின் இயற்பெயர் என்பதால், பலரும் இந்தப் பெயர் வைத்ததற்கு கண்டனம் தெரிவித்து வருகின்றனர். இதனால் தற்போது மீண்டும் சர்ச்சையில் சிக்கியுள்ளது சர்கார் திரைப்படம்.