ஓய்வூதிய திருத்தம் நடைமுறைப்படுத்தப்பட்டது – 2025 முதல் அதிகரித்த தொகை வழங்கப்படும்!

2025-ஆம் ஆண்டுக்கான புதிய வரவுசெலவுத் திட்டத்தில் ஓய்வூதிய திருத்தம் அறிவிப்பு!

2025ஆம் ஆண்டுக்கான வரவுசெலவுத் திட்டத்தின் கீழ், அங்கீகரிக்கப்பட்ட புதிய ஓய்வூதியத் திருத்தம் தற்போது நடைமுறைப்படுத்தப்பட்டுள்ளது. இதன்படி, இந்த மாதம் முதல் ஓய்வுபெற்ற அரசு ஊழியர்களுக்கு அதிகரித்த ஓய்வூதிய தொகை வழங்கப்பட உள்ளதாக அரசு அறிவித்துள்ளது.

பயனடைவோர் எண்ணிக்கை:

🔹 5 லட்சத்துக்கும் மேற்பட்ட ஓய்வுபெற்ற அரசு ஊழியர்கள்,
🔹 முப்படை ஓய்வுபெற்ற உத்தியோகத்தர்கள் ஆகியோர் இந்த திருத்தத்தின் பயனாளர்களாக இருப்பார்கள்.

இந்த தகவலை பொது நிர்வாகம், மாகாண சபைகள் மற்றும் உள்ளூராட்சி அமைச்சகம் வெளியிட்டுள்ளது. இதற்கான நடவடிக்கைகளை அமைச்சர் பேராசிரியர் சந்தன அபேரத்ன (Chandana Abayarathna) நேரடியாக பறைசாற்றியுள்ளார்.

வாழ்க்கைச் செலவின் உயர்வுக்கு நிவாரணம்:

அரசாங்கத்தின் இந்த தீர்மானம், அதிகரித்து வரும் வாழ்கைச் செலவுக்கு ஓய்வுபெற்ற ஊழியர்கள் எதிர்கொள்ளும் சவால்களை சமாளிக்க ஒரு முக்கிய நிவாரணமாக அமைகிறது.

ஓய்வூதியத் திருத்தம் – முக்கிய விவரங்கள்:

• 2017.01.01 அல்லது அதற்கு முந்தைய தேதியில் ஓய்வுபெற்ற அனைத்து அரசு ஊழியர்களும்,

• 2019.05.31 அன்று வெளியான சுற்றறிக்கை 04/2019 அடிப்படையில்,

• 2017.01.01 தேதிக்கு உட்பட்ட சம்பளத்தை அடிப்படையாக கொண்டு திருத்தம் செய்யப்பட்ட புதிய ஓய்வூதியம் பெறுவார்கள்.