சினிமா செய்திகள்
ரஜினிகாந்த்தின் பாபா ரீ ரிலீஸ் முதல் நாள் வசூல் எவ்வளவு தெரியுமா?
2002-ம் ஆண்டு ரஜினிகாந்த் கதை, திரைக்கதை எழுதித் தயாரித்த திரைப்படம் பாபா. சுரேஷ் கிருஷ்ணா இயக்கி இருந்தார்.
இந்த படத்தில் அதிகப்படியான மது குடிக்கும், புகை பிடிக்கும் காட்சிகள் இருப்பதாக அப்போது ராமதாஸ் தலைமையிலான பாட்டாளி மக்கள் கட்சி பெரும் எதிர்ப்பை தெரிவித்தது.
சில இடங்களில் பாட்டாளி மக்கள் கட்சியினர் பாபா ரீல் பெட்டியை தூக்கிக் கொண்டும் சென்றனர். மேலும் பாபா கதை அவரது அரசியல் எண்ட்ரிக்கு ஏற்றவாறு இருந்தாலும் அவரது ரசிகர்களையே அது பெரிய அளவில் ஈர்க்கவில்லை.
ஆனாலும் ரஜினிகாந்த் தான் நடித்த படங்களில் ராகவேந்திராவுக்குப் பிறகு பாபா தான் அதிகம் தனக்குப் பிடிக்கும் என கூறிவந்தார்.
இந்நிலையில் சனிக்கிழமை பாபா திரைப்படம் அவரது பிறந்தநாளை முன்னிட்டு ரீரிலீஸ் செய்யப்பட்டது. மேலும் கதையில் சில மாற்றங்களும் செய்யப்பட்டது. அப்போது 7 மந்திரங்கள் ரஜினிகாந்த்துக்கு வழங்கப்படும். ரீரிலீஸ் செய்யும் போது அதனை 5 ஆக குறைத்துள்ளார்கள்.
பாபா படம் ரீ ரிலீஸ் செய்யப்பட்டது ரஜினி ரசிகர்களுக்குப் பெரும் மகிழ்ச்சியை ஏற்படுத்தியுள்ள நிலையில், முதல் நாள் மட்டும் 80 லட்சம் ரூபாய் வசூல் செய்துள்ளது.
இது கடந்த சில வாரங்களுக்கு முன்பு ரிலீஸ் ஆன சில படங்களை விட அதிகம் என்றாலும் திங்கட்கிழமைக்குப் பிறகு திரை அரங்குகளில் இருக்குமா என்பது சந்தேகம்தான் என கூறுகின்றனர்.